2025-ci ilin yanvar ayında Azərbaycan dörd ölkədən toplamda 221.46 ton təzə armud idxal edib. 

Valyuta.Az xəbər verir ki, idxal Gürcüstan, Türkiyə, Belçika və Niderlanddan həyata keçirilib. 

Məlumata əsasən, Belçikadan 159.6 ton, Niderlanddan 35.16 ton, Türkiyədən 25.27 ton, Gürcüstandan isə 1.43 ton armud idxal olunub. 

Apardığımız hesablamalar zamanı məlum olub ki, armudun 1 kiloqramı Belçikadan təxminən 1 manat 90 qəpiyə, Niderlanddan 1 manat 87 qəpik, Türkiyədən 1 manat 87 qəpiyə, Gürcüstandan isə 1 manat 86 qəpiyə idxal olunub. 

Sözügedən dövrdə Azərbaycan təzə armud ixracı idxalı təxminən 4 dəfə üstələyərək 884.21 tona yüksəlib. Rusiya, BƏƏ, Qazaxıstan və Qətər isə ixrac həyata keçirilən ölkələr olub. 

Rusiyaya toplamda 802.33 ton, BƏƏ-yə 38.81 ton, Qazaxıstana 34.85 ton, Qətərə isə 8.22 ton ixrac həyata keçirilib. İxrac qiymətlərinə gəldikdə isə, təzə armudun 1 kq-si Rusiya 1 manat 32 qəpiyə, BƏƏ-yə 68 qəpiyə, Qazaxıstan 80 qəpiyə, Qətərə 2 manat 72 qəpiyə ixrac olunub. 

Ümumilikdə isə idxala çəkilən xərc 246.8 min dollar (419,560 manat), ixracdan əldə olunan gəlir isə 668.02 min dollar (1,135,634 manat) olub. 

Rəhim