“Binəqədi Təmir Tikinti” ASC-yə yeni sədr təyin olunur.

Valyuta.az xəbər verir ki, martın 27-də “Binəqədi Təmir Tikinti” ASC-nin səhmdarlarının ümumi yığınacağı keçirilib.

Yığınacağın gündəliyində əsas 5 məsələ yer alıb. 

Yığınacaqda “Binəqədi Təmir Tikinti” ASC-nin 2024-cü ildə maliyyə-təsərrüfat fəaliyyətinin nəticələrinin müzakirəsi, illik hesabatlarının, maliyyə hesabatlarının təsdiq edilməsi, mənfəət və zərərinin bölüşdürülməsi, ASC-nin maliyyə vəziyyətinin müzakirə olunması məsələsi ortaya qoyulub. Bundan başqa ASC-nin 2024-cü ilin yekununa dair müstəqil auditor tərəfindən təsdiqlənmiş maliyyə hesabatlarına münasibət bildirilməsi, ASC-nin aktivlərinin dəyərinin iyirmi beş faizindən artıq məbləğdə olan əqdin müzakirəsi də siyahıya daxil edilib.

Əsas məsələlər arasında cəmiyyətə yeni sədrin təyin olunması məsələsi də yer alıb. 

84700 manat nizamnamə kapitalına sahib olan ASC-nin qanuni təmsilçisi Kamran Cəfərov Ələkbər oğludur. Şirkət 2004-cü ildə dövlət qeydiyyatına alınıb. 

Sərvanə Rəmixanova