Cari ilin ilk ayında Azərbaycana gətirlən cin və ardıc tinkturasının həcmi 0.04 min dkl. (100% sp.) və ya 400 litr olub. 

Valyuta.Az xəbər verir ki, bu məhsul üçün bütün idxal Rusiyadan təmin olunub. Əvəzində isə ödənilən məbləğ 3.57 min dollar olub. 

Yəni, 1 litr üçün ödənilən məbləğ təxminən 15 manat 17 qəpik olub. 

Bundan əlavə sözügedən dövrdə Rusiyadan 4.61 min dkl. araq da gətirilib və bunun üçün qarşı tərəfə ödənilən məbləğ 469.83 min dollar olub. 

Arağın 1 litri üçün ödənilən məbləğ isə təxminən 17 manat 32 qəpik olub. 

Həmçinin həmin dövrdə Rusiyadan 6.18 min dkl. səməni pivəsi də gətirilib. Onun 1 litri üçün isə təxminən 1 manat 37 qəpik ödənilib. 

Bundan əlavə Rusiyadan 35.62 min dollar qarşılığında 4.73 min dkl. denaturasiya olunmamış etil spirti (80 həcm % və ya çox spirt qatılığı ilə) də idxal olunub. 

Eyni zamandan Azərbaycandan Rusiyaya 1 litri təxminən 4 manat 33 qəpikdən 28.29 min dkl. (100 % sp.) viski, 1 litri təxminən 6 manat 49 qəpikdən 14.57 min dkl. (100 % sp.) üzüm çaxırının və ya üzüm puçalının distillə edilməsindən alınan spirtli içkilər (konyak, qrappa, brendi və digərləri) ixrac olunub.

Rəhim