2025-ci ilin yanvar ayında Azərbaycana Özbəkistan, Cənubi Afrika Respublikası və Perudan toplamda 44.42 ton təzə üzüm gətirilib. 

Valyuta.Az xəbər verir ki, həmin dövrdə Azərbaycandan ixrac olunan təzə üzümün miqdarı isə idxaldan təxminən 4 dəfə çox olub. 

Hesablamalarımıza görə Özbəkistandan idxal olunan üzümüm 1 kq-si təxminən 2.55 manat, CAR və Perudan gətirilən üzümün 1 kiloqramı isə təxminən 1.7 manat olub. 

Qeyd edək ki, bu qiytmətlərlə yanvar ayında Özbəkistandan 40.67 ton, CAR-dən 1.44 ton, Perudan isə 2.31 ton təzə üzüm idxal olunub. 

Sözügedən dövrdə Azərbaycandan ixrac olunan təzə üzümün miqdarı 173.65 ton olub. 

Bunun da 173.62 tonu Rusiyaya, 0.03 tonu isə Səudiyyə Ərəbistanın ixrac olunub. Rusiyaya ixrac olunan 173.62 ton üzümün müqabilində 135.29 min dollar, S.Ərəbistanına ixrac olunan 0.03 tonunun müqabilində isə 0.53 min dollar gəlir əldə olunub. 

Yəni, Rusiyaya ixrac olunan üzümün 1 kq-si 1 manat 32 qəpik, S.Ərəbistanına ixrac olunan üzümün 1 kq-si isə təxminən 30 manat olub. 

Onu da əlavə edək ki, həmin dövrdə Azərbaycana 603.15 ton qurudulmuş üzüm idxal olunub ki, bunun da 413.58 tonu İran İslam Respublikasından, 189.57 tonu isə Özbəkistandan idxal olunub. 

İran İslam Respublikasından idxal olunan qurudulmuş üzümün 1 kq-si təxminən 3 manat 6 qəpik, Özbəkistandan idxal olunanın 1 kq-si isə təxminən 5 manat 30 qəpik olub. 

Rəhim