Bu ilin yanvar-fevral aylarında 13 min 855 ton düyü idxal olunub.

Valyuta.az statistik mənbələrə əsasən xəbər verir ki, idxal olunan məhsul 13 milyon 472 min ABŞ dolları dəyərində olub.

Ötən ilin eyni dövründə düyü idxalı üzrə göstəricilər 14 min 421 ton təşkil edib. İdxal 15 milyon 303 min ABŞ dolları hesabına başa gəlib.

Statistik göstəricilərə nəzər salaraq demək olar ki, illik müqayisədə düyü idxalında 566 ton və ya 1 milyon 830 min ABŞ dolları dəyərində azalma baş verib.

Qeyd edək ki, düyünün ümumi idxal payı bu ilin ilk iki ayında 0,33% təşkil edib ki, bu da  illik müqayisədə idxal payında 0,30% azalmanın olduğunu deməyə əsas verir. Ötən ilin yanvar-fevral aylarında qeyd olunan göstərici üzrə rəqəmlər 0,63% olub.

Sərvanə Rəmixanova