Türkiyə 1 gündə toplamda 2 milyard 65 milyon ABŞ dolları dəyərində məhsul ixrac edərək, Cümhuriyyət tarixinin II ən yüksək göstəricisini qeydə alıb. 

Valyuta.Az xəbər verir ki, bu barədə Türkiyənin ticarət naziri Ömər Bolat özünün sosial media hesabında paylaşım edib. 

Nazir bildirib ki, Ramazan bayramına ixrac sahəsində böyük bir uğur xəbəri ilə daxil olunub: “Gündəlik ixracda bayram hədiyyəsi. Mal ixracında Cümhuriyyət tarixinin ən yüksək ikinci gündəlik ixrac göstəricisi reallaşıb. Cümə günü qeydə alınan 2 milyard 65 milyon ABŞ dolları dəyərindəki gündəlik mal ixracı, 101 illik Cümhuriyyət tariximizin ən yüksək ikinci gündəlik ixrac rəqəmi kimi tarixə düşüb”.

Nazir ixracdakı artım dinamikasının davam etdiyini vurğulayaraq qeyd edib:

“Beynəlxalq səviyyədə proteksionizmin xeyli artdığı bir şəraitdə, mal və xidmətlər ixracımız ölkə iqtisadiyyatımızın və iqtisadi artımın lokomotivi olmağa davam edir. Cənab Prezidentimizin gələcəyimizin vizyonu olaraq müəyyən etdiyi 'Türkiyə əsri ticarətin əsri olacaq' hədəfi çərçivəsində hökumətlərimizin son 22 ildə 7,5 dəfə artıraraq 377 milyard dollara yüksəltməyi bacardığı mal və xidmətlər ixracımız, istehsal və məşğulluğun artmasına, işsizliyin azalmasına, ölkəmizə qazandırdığı valyuta ilə xarici ticarət və cari hesab balansına müsbət töhfə verməyə davam edir.

Sonda ixracatçılarına təşəkkür edən Nazir, ölkəsinin və bütün müsəlman aləminin Ramazan bayramını təbrik edib.

Rəhim