Azərbaycan 2024-cü ildə dünyanın 25 ölkəsinə ümumilikdə 23 mlrd. 596 mln. 132.23 min ton xam neft ixrac edib. 

Valyuta.Az rəsmi mənbələrə istinadən xəbər verir ki, bu ixracdan əldə olunan gəlir 14 mlrd. 437 mln. 355.99 min ABŞ dolları təşkil edib.

Müqayisə üçün qeyd edək ki, 2023-cü ildə Azərbaycan ümumilikdə 26 mlrd. 47 mln. 289.51 min ton həcmində neft ixrac etmiş, bunun müqabilində də 16 mlrd. 240 mln. 829.63 min ABŞ dolları gəlir əldə edib.

Beləliklə, illik müqayisədə neft ixracı 2 mlrd. 451 mln. 157.28 min ton və ya təxminən 9.41% azalıb.

Öncəki illə müqayisədə bəzi ölkələrə neft ixracında azalmalar qeydə alınsa da, bəzi ölkələrə ixracda kəskin artım qeydə alınıb. İxracda artımın qeydə alındığı ölkələrdən biri də Portoqaliya olub. 

2024-cü ildə Azərbaycandan Portoqaliyaya 1 mlrd. 5 mln. 213.63 min ton neft ixrac olunub ki, bu da əvvəlki illə müqayisədə 555 mln. 334.32 min ton və ya təxminən 123.4% daha çoxdu. 

Qeyd edək ki,  2023-cü ildə Azərbaycandan Portuqaliyaya 449 mln. 879.31 min ton neft ixrac olunub. 

Eyni zamanda, Portuqaliya 2023-cü ildə bu ölkəyə neft ixracından 299 mln. 575.75 min ABŞ dolları gəlir əldə olunmuşdusa, 2024-cü ildə bu rəqəm 631 mln. 169.31 min ABŞ dollarına yüksəlib. Yəni, gəlirdə də 111%-dən çox artım müşahidə olunub. 

Məlumata əsasən, Portuqaliya Azərbaycanın neft ixracını ən çox artırdığı ölkələr arasında birinci yerdə qərarlaşıb. 

Rəhim