Yanvar ayında turizm məqsədilə Azərbaycana səfər etmiş əcnəbilər və vətəndaşlığı olmayan şəxslər ümumilikdə 205.6 milyon manat vəsait xərcləyib.

Valyuta.az rəsmi məlumatlara istinadən xəbər verir ki, ən çox xərcləyənlər Rusiyadan olan turistlər olub – onlar bu dövrdə Azərbaycanda 48.2 milyon manat xərcləyiblər. 

Siyahıda ikinci yerdə 34.4 milyon manat ilə Hindistan vətəndaşları, üçüncü pillədə isə 23.3 milyon manatla Türkiyə vətəndaşları yer alıb. 

Dördüncü sırada Səudiyyə Ərəbistanı vətəndaşları (12.1 milyon manat), beşinci yerdə isə BƏƏ vətəndaşları qərarlaşıb (11.4 milyon manat). 

Onları Pakistan (9 milyon manat) və Küveyt vətəndaşları (7.8 milyon manat) izləyib.

Ümumilikdə, yanvar ayında Azərbaycana 172 614 nəfər əcnəbi və vətəndaşlığı olmayan şəxs səfər edib. Onların 113 216 nəfəri (65.6%) turizm məqsədilə, 59 358 nəfəri (34.4%) isə digər məqsədlərlə ölkəyə daxil olub.