"Toyota Motor" şirkəti bildirib ki, yanvar ayında onun qlobal istehsalı əvvəlki ilin eyni dövrü ilə müqayisədə 5,6% artaraq 781 729 avtomobilə çatıb.

Valyuta.Az xəbər verir ki, bu barədə Yaponiyanın "Kyodo" agentliyi məlumat yayıb.

Bu, son bir ildə ilk dəfə qeydə alınan artım olmaqla yanaşı, yanvar ayı üçün rekord göstəricidir.  

Dünyanın ən böyük avtomobil istehsalçısı olan "Toyota" ötən ay dünya üzrə 785 632 avtomobil satıb ki, bu da ötən ilin eyni ayı ilə müqayisədə 0,1% çoxdur və yanvar ayı üçün indiyədək ən yüksək göstərici hesab olunur.  

Yaponiyada təhlükəsizlik testləri ilə bağlı qalmaqallara qarışan "Toyota" qrupu, o cümlədən kiçik avtomobillər istehsal edən **"Daihatsu Motor"** şirkəti ötən il ölkə daxilində bəzi istehsal proseslərini dayandırmağa məcbur olub.  

Bununla belə, istehsalı dayandırılan bölmələrin yenidən fəaliyyətə başlaması və yeni modellərin daxili bazarda güclü satışları qlobal istehsalın bərpasına töhfə verib.  

Yaponiya daxilində istehsal 22,3% artaraq 265 999 avtomobilə çatıb və bununla da xaricdə istehsalın 1,4% azalaraq 515 730 avtomobilə düşməsini kompensasiya edib.  

Rəhim