2025-ci ilin yanvar ayında ixracda qeyri-neft sektoru üzrə 5 əsas ölkəninin siyahısı açıqlanıb. 

Valyuta.az xəbər verir ki, Azərbaycanın qeyri-neft məhsulları ixrac etdiyi ölkələr arasında birinci yeri 81 milyon ABŞ ilə dolları Rusiya alıb. Ötən ilin eyni dövrü ilə müqayisədə Rusiyaya ixracda 5,5 milyon ABŞ dolları dəyərində artım qeydə alınıb. 2024-cü ilin eyni dövründə ixrac göstəricisi 75,6 ABŞ dolları olub. 

5 ölkə arasında ikinci sırada 37.1 milyon ABŞ dolları ilə Türkiyə yer alıb. Türkiyəyə qeyri-neft ixracı 10,4 milyon ABŞ dolları dəyərində azalıb. Ötən ilin eyni dövründə bu ölkəyə qeyri-neft ixracı 47.5 milyon ABŞ dolları təşkil edirdi.

Qeyri-neft sektoru üzrə  bu ilin yanvar ayında 26.5 milyon ABŞ dolları ilə Gürcüstan 3-cü sırada yer alıb. Ötən ilin eyni dövründə bu göstərici 25,1 milyon ABŞ dolları idi. Bu da 1,4 milyon ABŞ dolları azalma deməkdir

4-cü sırada 22.2 milyon ABŞ dolları ilə İsveçrə qeydə alınıb. İsveçrəyə qeyri-neft ixracında ötən ilin eyni dövrü ilə  müqayisədə 21,42 milyon ABŞ dolları artım olub. Ötən ilin yanvar ayı göstəricisi 78 min ABŞ dolları idi.

Sonuncu sırada isə 21,8 milyon ABŞ dolları ilə Ukrayna yer alıb. Ötən ilin eyni dövründə bu göstərici 6,3 milyon ABŞ dolları təşkil edirdi. Bu da Ukraynaya ixracda 15,5 milyon ABŞ dolları dəyərində artım  olduğunu deməyə əsas verir.

Sərvanə Rəmixanova