Bakı Şəhər İcra Hakimiyyəti başçısının tabeliyində “Bakı Şəhər Əsaslı Tikinti və Təmir” Məhdud Məsuliyyətli Cəmiyyəti yeni tender elan edib.

Valyuta.Az bu barədə dövlət satın almaların vahid internet portalına istinadən xəbər verir.

Məlumata əsasən, qurumun elan etdiyi tender Roma papası II İohann Pavel adına katolik kilsə binasının tikintisinin satın alınması ilə bağlıdır. 

Tenderin ehtimal olunan qiyməti 8.209.384,00 AZN-dir. Tender 11 aprel 2025-ci il saat 17:00-a qədər davam edəcək. 

Kilsənin hansı ərazidə tikiləcəyi ilə bağlı açıq mənbələrdə heç bir məlumata rast gəlinmir.

Qeyd edək ki, II İohann Pavel 1978-2005-ci illərdə Roma papası olub. O, 1523-cü ildən bəri qeyri-italyan mənşəli ilk Roma Papası kimi yadda qalıb. II İohann Pavel 2005-ci il aprelin 2-də dünyasını dəyişib. 

Rəhim