İraq hökuməti ilə və "BP" şirkəti arasında Kərkükdə dörd neft və qaz yatağının yenidən inkişaf etdirilməsi üzrə müqavilə imzalayıb. 

Valyuta.Az xəbər verir ki, bu barədə İraqın dövlət xəbər agentliyi məlumat yayıb.  

Bu razılaşma uzun illər müharibə, korrupsiya və məzhəbi gərginliklər səbəbindən hasilatı məhdudlaşmış İraq üçün mühüm irəliləyiş hesab edilir.  

İraqın yüksək rütbəli neft rəsmisinin "Reuters" agentliyinə verdiyi məlumata görə, "BP" layihənin ömrü boyu bu sahəyə 25 milyard dollara qədər sərmayə yatırmağı planlaşdırır.  

Dövlət xəbər agentliyinin yaydığı bəyanata əsasən, tərəflər texniki məsələlər və müqavilə şərtləri, o cümlədən layihənin iqtisadi modeli üzərində razılığa gəldikdən sonra müqavilə çərşənbə axşamı imzalanıb.  

Bu müqaviləyə əsasən, "BP" Kərkükdəki dörd neft yatağında infrastrukturun bərpası ilə yanaşı, ölkənin daxili enerji tələbatını ödəmək üçün təbii qazın hasilatını və inkişafını da təmin edəcək.

Rəhim