Avropa Avtomobil İstehsalçıları Assosiasiyasının (ACEA) hesabatına görə, "Tesla" yanvar ayında Avropada cəmi 9,9 min elektrikli avtomobil satıb. 

Valyuta.az xəbər verir ki, keçən il İlon Maskın şirkəti regionda 18,2 min avtomobil satmağı bacarıb. Belə ki, yanvarda şirkətin satışları 45% azalıb, Avropada elektriklə işləyən avtomobillərin ümumi satışı isə 37% artıb.

Yanvarda Avropada 166 min yeni elektrik avtomobili qeydə alınıb. Satış artımı Fransa (-0,5%) istisna olmaqla, bütün əsas bazarlarda qeydə alınıb.

Aİ-də elektrikli avtomobillərin satışı bir qədər təvazökar - 34% artıb, lakin onların bazar payı 2024-cü ilin yanvarında 10,9%-lə müqayisədə artıq 15%-ə çatıb. Aİ-də hibrid avtomobillərin satışı 18,4% artaraq 290 minə çatıb və onların bazar payı hazırda 34,9% təşkil edir. Eyni zamanda, Aİ-də benzinlə işləyən avtomobillərin satışı il ərzində 18,9%, dizellə işləyən avtomobillər isə 27% azalıb. İndi benzin mühərrikli avtomobillər satışın cəmi 29,4%-ni təşkil edir, dizellə işləyən avtomobillərin bazardakı payı isə artıq 10%-ə düşüb.

Paşa Məmmədli