“Apple” bu ilin sentyabr ayında təqdim edəcəyi “iPhone 17” seriyasının ən güclü üzvü olacaq. Yeni telefon, video yazı xüsusiyyətləri ilə ön planda olacaq.

Valyuta.az xarici mənbəyə istinadən xəbər verir ki, “Apple”ın yeni “iPhone 17” seriyasının təqdimatına hələ vaxt olsa da, həmin telefonlarla bağlı yeni məlumatlar gəlib. “Apple” bu il xüsusilə “iPhone 17 Pro”da inkişaf etmiş video yazı xüsusiyyətlərinə diqqət yetirəcək.

Keçən illərdə fotoşəkil çəkmə sahəsində böyük irəliləyişlər əldə edən “Apple” bu ilki yeni modelində video performansını ön plana çıxararaq vlog yaradıcılarını və peşəkarları “iPhone”a yönəltməyi hədəfləyir.

İddialara görə, “Apple” sentyabr ayında yeni “iPhone 17” modelini təqdim edərkən, əsas hissəsini yeni video xüsusiyyətlərinin təqdimatına ayıracaq. Seriyanın ən güclü modeli olan “iPhone 17 Pro”nun yenidən dizayn edilmiş arxa kamera sistemi ilə gələcəyi və üç 48MP kamerası olacağı bildirilir. 

Sərvanə Rəmixanova