“İpək Yolu Sığorta” ötən ay cəmi 2 000 manat sığorta ödənişi həyata keçirib

25.02.2025 / 09:30

“İpək Yolu Sığorta” ötən ay cəmi 2 000 manat sığorta ödənişi həyata keçirib

65784

Bu ilin yanvar ayında “İpək Yolu Sığorta” şirkətinin yığımlarında artım müşahidə edilib.

Valyuta.az xəbər verir ki, ötən ay sığorta şirkəti 424 min manat sığorta yığımı əldə edib.

Bu isə ötən ilin eyni dövrünə nisbətən 94 min manat və ya 28,5% çoxdur. 2024-cü ilin yanvar ayında “İpək Yolu Sığorta” 330 min manat sığorta haqqı toplaya bilib.

Sığorta şirkəti ötən ay 2 min manat sığorta ödənişi həyata keçirib ki, bu də ötən ilin eyni dövrü ilə müqayisədə 65 min manat, yaxud da 33,5 dəfə azdır. 2024-cü ilin yanvar ayında “İpək Yolu Sığorta” 67 min manat sığorta ödənişini həyata keçirib.

Yığımların artması fonunda ödənişlərin azalması sığorta şirkətinin xeyrinə, yəni ödəniş-yığım nisbətinə müsbət təsir edib. Şirkət ötən ilin yanvar ayında topladığı hər 100 manatdan 20,3 manatını ödənişə yönəldibsə, bu ilin eyni dövründə bu rəqəm 0,47 manata yüksəlib.

Qeyd edək ki, ASC 1995-ci ilin sentyabr ayında dövlət qeydiyyatına alınıb, nizamnamə kapitalı 14 milyon 770 min manatdır. Şirkətin qanuni təmsilçisi İmanov Niyazi Cavanşir oğludur.

Maya Hüseynova

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.