Azərbaycan Respublikasının İnsan Hüquqları üzrə Müvəkkilinin (Ombudsman) elan etdiyi 2 tender yekunlaşıb.

Valyuta.Az xbər verir ki, tenderlərin qalibi "Azərbaycan Menecment və İnvestisiya Korporasiyası" QSC və "NEOSOL" MMC olub və tərəflər arasında müvafiq olaraq 5.410,3 AZN və 33.853,43 AZN-lik müqavilə imzalanıb.

Məluamata əsasən, "Azərbaycan Menecment və İnvestisiya Korporasiyası" QSC ilə imzalanan müqavilə sayəsində Ombudsman QSC-dən müxtəlif hədiyyələr alacaq. Bunlara, 8 ədəd butalı ipək kəlağayı, 8 ədəd stəkan dəsti, 25 ədəd üzərində milli ornamentə uyğun təsvirlər göstərilmiş ipək toxumalı xalça və s. daxildir.

"NEOSOL" MMC ilə imzalanan 33.8 minlik müqavilə isə dəftərxana və təsərrüfat mallarının alınması ilə bağlıdır.

Əlavə edək ki, Ombudsman 2025-ci ildə bu gün imzalanan müqavilələr də daxil olmaqla toplamda 4 satınalma müqaviləsi imzalayıb. Və hər biri son 1 həftəyə təsadüf edir. 

Bunlar 19 fevral tarixində "TONERSET" MMC ilə imzalanan 6.348 AZN-lik, 20 fevral tarixində isə "AVTODOKTOR" MMC ilə imzalanan 11.641 AZN-lik müqavilələrdir.

Xatırladaq ki, "TONERSET" MMC ilə imzalanan müqavilə kartric dolumu ilə,  "AVTODOKTOR" MMC ilə imzalanan müqavilə isə avtomobillərin cari ilin sonunadək təmiri və texniki xidmətlərin göstərilməsi ilə bağlı olub.

Rəhim