2025-ci ilin yanvar ayında Azərbaycandan ixrac olunan balıq və dəniz məhsullarının dəyəri ötən ilin eyni dövrü ilə müqayisədə 957% və ya 718 min ABŞ dolları artıb. 

Valyuta.az Dövlət Gömrük Komitəsinə istinadən xəbər verir ki, bu ilin ilk ayında ölkədən ümumi dəyəri 793 min ABŞ dolları olan balıq, xərçəngkimilər, molyusklar və digər su onurğasızları ixrac edilib. Qeyd edək ki, 2024-cü ilin yanvar ayında bu rəqəm cəmi 75 min ABŞ dolları təşkil edib.

Hesabat dövründə ölkəyə idxal olunan balıq və dəniz məhsullarının dəyəri də artaraq 3 milyon 792 min ABŞ dollarına çatıb. Bu, ötən ilin yanvar ayına nisbətən 24% və ya 733 min ABŞ dolları çoxdur. 2024-cü ilin eyni dövründə bu göstərici 3 milyon 59 min ABŞ dolları səviyyəsində olub.

Maya Hüseynova