Azərbaycan Respublikası Dövlət Sərhəd Xidməti iki yeni tender elan edib.

Valyuta.Az bu barədə dövlət satınalmalarının vahid internet portalından məlumat əldə edib. 

Məlumata əsasən, qurumun ilk tenderi "minik, yük avtomobillərinin, döyüş texnikaları, silah, generator, transformator üçün sürtkü yağları və xüsusi mayelər"in alışı ilə bağlıdır.

Tenderin ehtimal olunan qiyməti 1.423.377,36 manatdır.

Sözügedən qurumun növbəti tenderi isə "gəmi, kater, aviasiya texnikalarında istifadə olunan xüsusi yağlar, mayelər və Aviasiya yanacağı (Avqaz 100LL)"nın alınması ilə bağlıdır. 

Bu tenderin ehtimal olunan qiyməti isə 2.109.082,58 manatdır.

Qeyd edək ki, hər iki tender üçün təkliflərin son təqdim edilmə tarixi 2 aprel 2025-ci il saat 09:30 təyin edilib. 

Rəhim