Dünyada qızılın qiyməti 2025-ci ilin sonuna qədər bir unsiya üçün 3100 dollara qədər artıla bilər. 

Valyuta.az xəbər verir ki, bu barədə "Bloomberg" "Goldman Sachs" bankının analitiklərinə istinadən yazıb.

Ekspertlər hesab edirlər ki, qiymətin artması müxtəlif ölkələrin mərkəzi banklarının qızıla olan tələbatının artması və bu metall üzərində fokuslanan birja fondlarına qoyuluşların artımı ilə əlaqədardır. Cari proqnozlara görə, mərkəzi bankların qızıl alımlarının orta həcmi aylıq 50 tona çata bilər.

Qeyd olunur ki, unsiyanın qiyməti 3300 dollara qədər artıla bilər, əgər dünya iqtisadiyyatında qeyri-müəyyənlik davam edərsə. Bu qeyri-müəyyənliyə ABŞ-nin tarif siyasəti, habelə inflyasiya və maliyyə riskləri daxildir.

Paşa Məmmədli