2024-cü ildə “Azərbaycan Beynəlxalq Bankı”nın (ABB) vaxtı keçmiş kreditlərin həcmi 232 milyon 13 min manat təşkil edib.

Valyuta.az bankın hesabatına istinadən xəbər verir ki, bu, 2023-cü illə müqayisədə 33% və ya 57 milyon 571 min manat çoxdur.

Belə ki, 2023-cü ildə ABB-nin vaxtı keçmiş kreditlərinin həcmi 174 milyon 442 min manat olub.

Ötən il ərzində ABB 6 milyard 350 milyon 800 min manat kredit verib ki, bu da 2023-cü illə müqayisədə 25,7% və ya 1 milyard 302 milyon 29 min manat çoxdur. 2023-cü ildə cəmi kredit portfelinin həcmi 5 milyard 48 milyon 771 min manat olmuşdur.

2024-cü ildə ABB-də təhlükəli kreditlərin həcmi 35 milyon 769 min manat olub ki, bu da 2023-cü illə müqayisədə 34,6% və ya 9 milyon 204 min manat çoxdur. 2023-cü ildə ABB-nin təhlükəli kreditlərinin həcmi 26 milyon 565 min manat olub. 

2024-cü ildə ABB-nin ümidsiz kreditlərinin həcmi 157 milyon 220 min manat olub ki, bu da 2023-cü illə müqayisədə 26 % və ya 32 milyon 508 min manat çoxdur. 2023-cü ildə ABB-nin ümidsiz kreditlərinin həcmi 124 milyon 712 min manat təşkil edib.

Nara