"MicroStrategy"nin həmtəsisçisi və "Bitcoin" tərəfdarı kimi tanınan Maykl Seylor ABŞ-nin qızıl ehtiyatlarını sataraq əldə olunan gəlirlə "Bitcoin" almasını və bununla da qlobal "Bitcoin" ehtiyatının 20%-nə sahib olmasını təklif edib.

Valyuta.Az xəbər verir ki, son müzakirələrdən birində Seylor, "Bitcoin"in bir valyuta deyil, kapital forması olduğunu vurğulayıb və onu tarixi baxımdan qızılın roluna bənzədib. O, ABŞ hökumətinin rəqəmsal aktivdə üstün pay əldə etmək üçün sadə bir mübadilə – qızıl ehtiyatlarını likvidləşdirərək "Bitcoin" almaq – həyata keçirə biləcəyini bildirib.

"ABŞ qızılını satmalı və bununla "Bitcoin" almalı, "BTC" şəbəkəsinin 20%-ni əldə etməlidir", – deyə Seylor qeyd edib və əlavə edib: "Əgər kimsə xəzinə istiqrazlarını "Bitcoin" ilə dəyişdirsə, ABŞ hamısına sahib olacaq. Bu, Alyaskanı və ya Louisiana satınalmasını pulsuz əldə etmək kimi bir şeydir."

Bundan əlavə, Seylor ABŞ hökumətinin bu alış prosesini maliyyələşdirmək üçün pul çap edə biləcəyini də irəli sürüb. O, "Bitcoin"in yeganə etibarlı alternativ aktiv olduğunu iddia edərək, onun "Dünya Ehtiyat Kapital Şəbəkəsi"nə çevriləcəyini və ABŞ-nin həm ənənəvi maliyyə aktivləri, həm də rəqəmsal kapital üzərində nəzarətini gücləndirəcəyini proqnozlaşdırıb.

Rəhim