2025-ci ilin yanvar ayında pərakəndə ticarət şəbəkəsində istehlakçılara 4,8 milyard manatlıq məhsul satılıb. 

Valyuta.az rəsmi statistik göstəricilərə istinadən xəbər verir ki, bunun 2,6 milyard manatı ərzaq məhsulları, içkilər və tütün məmulatlarının, 2,2 milyard manatı isə qeyri-ərzaq mallarının payına düşüb.

Ötən ilin yanvar ayı ilə müqayisədə ərzaq məhsulları, içkilər və tütün məmulatlarına xərclənən vəsait 1,8 faiz, qeyri-ərzaq mallarına xərclənən vəsait isə 6,1 faiz artıb.

Ötən ay xərclərin siyahısı ilə aşağıdakı cədvəldən tanış ola bilərsiniz:

Həmçinin məlumatda qeyd olunb ki, ərzaq məhsullarına xərclənən vəsait ümumi məbləğin (4.8 milyard manat) 49,7 %-ni , içkilər və tütün məmulatları 4,7 %-ni, toxuculuq məhsulları, geyim və ayaqqabılar 14,5 %-ni, avtomobil benzini və dizel yanacağı 5,6 %-ni, elektrik malları və mebellər 4,6 %-ni, əczaçılıq məhsulları və tibbi ləvazimatlar 2,3 %-ni, kompüterlər, telekommunikasiya avadanlıqları və çap məhsulları 13 %-ni , digər qeyri-ərzaq mallarının alınmasına xərclənən vəsait isə 17,3 %-ni təşkil edib.

 Rəhim