Küsəyən və ya neqativ xarakterdə olmaq, həm şəxsi həyatımıza, həm də iş həyatımıza müxtəlif təsirlər göstərə bilər. İş mühitində belə bir yanaşma aşağıdakı şəkildə özünü göstərə bilər.

⇒ Komandaya təsir

Küsəyən bir insan, komandadakı münasibətləri gərginləşdirə bilər. Əgər mütəmadi olaraq neqativ yanaşma göstərilirsə, iş yoldaşlarının da motivasiyası və işə olan marağı azalır. Komanda ruhu zədələnə bilər.

⇒ İş performansı

Küsəyən insanlar, adətən daha az motivasiya olurlar və çətinliklərlə qarşılaşdıqda çətinlikləri böyüdürlər. Bu da işin effektivliyinə mənfi təsir edə bilər. Çünki həll yolunu tapmağa çalışmaq əvəzinə, problemə fokuslanırlar.

⇒ Yaradıcılıq

Negativ düşüncə şəraitində çalışanlar, risk almaqdan çəkinir və yenilikləri qəbul etməkdə çətinlik çəkirlər. Bu, yaradıcılığı və işin inkişafını əngəlləyə bilər.

⇒ Liderlik

Küsəyən bir lider, komandasına mənfi təsir göstərə bilər. Mühüm qərarlar verilərkən, həll yolu axtarmaq və əməkdaşları motivasiya etmək çətinləşə bilər.

⇒ Əlaqələr 

İş yerində müsbət münasibətlər qurmaq və güclü əlaqələr yaratmaq üçün açıq fikirli olmaq vacibdir. Küsəyən insanlar isə, tez-tez öz fikirlərini müdafiə edərək, başqalarının düşüncələrinə qarşı bağlanırlar, bu da qarşılıqlı əlaqələri zədələyir.

⇒ Stress və sağlamlıq

Küsəyən düşüncə, insanın öz stress səviyyəsini artırar, bu da nəticə etibarilə iş həyatında psixoloji və fiziki sağlamlığa təsir edə bilər. Yüksək stresslə işləmək daha az məhsuldarlığa gətirib çıxara bilər.

Leyli / Valyuta.Az / SƏHƏR OXUSU