Avropa Komissiyası regionda süni intellekt (AI) imkanlarını gücləndirmək məqsədilə əlavə 50 milyard avro (51,6 milyard dollar) sərmayə yatırmağı planlaşdırır. 

Valyuta.Az xəbər verir ki, bu barədə Komissiyanın prezidenti Ursula fon der Lyayen Parisdə keçirilən süni intellekt sammitində açıqlama verib.  

Bu əlavə maliyyələşdirmə artıq 150 milyard avro məbləğində vəsait cəlb edən "Avropa süni intellekt çempionları" təşəbbüsünü dəstəkləyəcək. Bu təşəbbüs müxtəlif provayderlər, investorlar və sənaye nümayəndələrinin iştirakı ilə formalaşıb.  

Əlavə vəsaitin ayrılması ilə Avropada süni intellekt sahəsinə cəlb olunan ümumi investisiyanın 200 milyard avroya çatacağı proqnozlaşdırılır.  

Fon der Lyayen bildirib ki, bu investisiyalar əsasən sənaye və strateji əhəmiyyət daşıyan texnologiyalara yönəldiləcək.  

Rəhim