Yeni "iPhone SE" gələn həftə təqdim olunacaq və fevralın sonunda satışa çıxarılacaq. 

Valyuta.az xəbər verir ki, bu barədə nüfuzlu insayder və "Bloomberg"in jurnalisti Mark Qurman məlumat verib.

Mənbənin sözlərinə görə, "Apple" dördüncü nəsil "iPhone SE"ni fevralın 10-14-ü həftəsində təqdim etməyi planlaşdırır. Bununla belə, şirkət cihazın ayrıca təqdimatını keçirməyəcək, sadəcə olaraq müvafiq press-reliz dərc edəcək. Şirkət bu gün "iPad" kimi başqa elanlar etməyi planlaşdırmır.

Şayiələrə görə, smartfon "iPhone 14"ə bənzər, lakin tək arxa kamera ilə dizayn təqdim edəcək. Sələflərindən fərqli olaraq, "iPhone SE 4" "Touch ID" skaneri olan "Home" düyməsi əvəzinə "çərçivəsiz" ekran və "Face ID" skaneri ilə təchiz olunacaq.

İnsayderlər həmçinin smartfona şirkət üçün bir ilk olan xüsusi "Apple" modemini, həmçinin güclü "Apple A17 Pro" və ya A18 çipsetindən və 8 GB operativ yaddaşdan istifadəni aid edirlər. Bu aparat qurğuya "Apple Intelligence AI" sistemini dəstəkləməyə imkan verəcək.

128 GB-lıq "iPhone SE"nin əsas versiyasının qiymətinin 500 dolları ötməyəcəyi gözlənilir.

Paşa Məmmədli