"Sosial müavinət və təqaüdlərdə artım nəzərdə tutulub. Bu sosial paketin elementlərindən biridir. Sosial paket yalnız əməkhaqqı və maaş artımlarınıdeyil, müavinət və təqaüdlərdə artımları özündə ehtiva edir".

Bunu  açıqlamasında deputat Vüqar Bayramov deyib. O bildirib ki, Prezident tərəfindən imzalanmış 23 dekabr 2024-cü il tarixli sərəncamda əməkhaqqı və pensiya artımları ilə yanaşı sosial müavinət və təqaüdlərdə artım nəzərdə tutulub:

"Həmin sərəncamla Nazirlər Kabinetinə sosial müavnət və təqaüdlərin artırılması ilə bağlı tapşırıq verilib. Nazirlər Kabineti sərəncam imzalandıqdan 3 ay müddətində həmin təklifləri və maliyyə qiymətləndirməsini hazırlayıb dövlət başçısına təqdim etməlidir. Gözlənilir ki, mart ayının ikinci yarısında təkliflər və maliyyə qiymətləndirilməsi hazırlanıb təqdim olunacaq. Bundan sonra təqaüd və sosial müavinətlərdə artımları müşahidə edəcəyik. Nazirlər Kabineti tərəfindən təkliflər hazırlandıqdan sonra hansı istiqamətdə artımların olacağı aydınlaşacaq. Nazirlər Kabineti mart ayında təkliflərini təqdim etdikdən sonra dövlət başçısı tərəfindən sərəncam imzalanacaq, sosial müavinət və təqaüdlərdə artımları müşahidə edəcəyik".

©unikal.az