BAKU Azərbaycan
7.03°C
  • USD
    1.7
  • EUR
    1.7643
  • RUB
    1.6887
  • TRY
    0.0473
  • GBP
    2.1203
64309

"Avropa İttifaqı ("Aİ") və Birləşmiş Krallıqdan idxal olunan mallara rüsumlar tətbiq ediləcək, lakin Böyük Britaniya ilə ticarət sazişinin əldə olunması ehtimalı var."

Valyuta.Az "CNBC"ə istinadən xəbər verir ki, bunu ABŞ prezidenti Donald Tramp deyib.  

Tramp ABŞ-nin əsas ticarət tərəfdaşlarına idxal rüsumları tətbiq edəcəyi ilə bağlı xəbərdarlığını reallaşdırdıqdan sonra qlobal bazarlarda qeyri-sabitlik yaradıb. O, Meksika və Kanadadan idxal olunan mallara 25%, Çindən gətirilən məhsullara isə 10% rüsum tətbiq edib. Yeni tariflər çərşənbə axşamı qüvvəyə minəcək.  

Bu qərara hər üç ölkə sərt reaksiya verib. Kanada ABŞ mallarına qarşı cavab tədbirləri görəcəyini elan edib, Meksika isə eyni addımı atmaqla hədələyib. Çin isə Ümumdünya Ticarət Təşkilatına ("ÜTT") şikayət edəcəyini bildirib.  

Aİ və Birləşmiş Krallıq mallarına tariflər tətbiq ediləcəkmi?  

"BBC"yə açıqlaması zamanı Aİ və BK mallarına rüsumların tətbiq olunub-olunmayacağı barədə suala hər iki tərəfin "qaydalara əməl etmədiyini", lakin Aİ-nin daha pis davrandığını bildirib və bu blokun yaxın zamanda rüsumlarla üzləşə biləcəyini vurğulayıb.  

"Onlar bizim avtomobillərimizi almırlar, kənd təsərrüfatı məhsullarımızı qəbul etmirlər, demək olar ki, heç nə almırlar. Amma biz onlardan hər şeyi alırıq – milyonlarla avtomobil, külli miqdarda ərzaq və kənd təsərrüfatı məhsulları," – Tramp bildirib.

Bununla belə, Tramp Birləşmiş Krallıqla bağlı daha mülayim mövqe sərgiləyib və iki ölkə arasında razılaşmanın mümkün olduğunu qeyd edib: "Böyük Britaniya da qaydalara tam əməl etmir. Amma mən əminəm ki, bu məsələ həll edilə bilər," – o bildirib və Birləşmiş Krallığın naziri Kir Starmer ilə "çox yaxşı münasibət" qurduğunu əlavə edib.  

Ticarət balansı  

Tramp uzun müddətdir ki, ABŞ-nin iri ticarət tərəfdaşlarını ölkəni istismar etməkdə günahlandırır və ABŞ-nin böyük ticarət kəsirlərini əsas gətirir. O hesab edir ki, tariflər ticarət balansını bərpa edəcək və ABŞ iqtisadiyyatını gücləndirəcək. Lakin tənqidçilər bildirirlər ki, bu rüsumlar ABŞ istehlakçılarına da zərər vuracaq, çünki qiymətlər yüksələcək.  

"Aİ" Trampın növbəti hədəfi kimi görünür, çünki ABŞ ilə ən böyük ticarət dövriyyəsinə malik olan bloka daxildir. Avropa Komissiyasının məlumatına görə, 2023-cü ildə "Aİ" ABŞ ilə 155,8 milyard avro (159,6 milyard dollar) ticarət profisiti əldə edib, lakin xidmətlər sahəsində 104 milyard avro kəsirlə üzləşib.  

"Aİ"nin ABŞ-yə əsas ixrac məhsulları maşın və nəqliyyat vasitələri, kimyəvi maddələr, sənaye malları, eləcə də tibbi və əczaçılıq məhsullarıdır.  

Tramp bazar günü ABŞ-nin "Aİ" ilə ticarət kəsirini "faciə" adlandırıb və "Aİ"nin ABŞ-dən "istifadə etdiyini" bir daha təkrarlayıb.  

"Onlar bizdən çox faydalanıblar. Bizim 300 milyard dollardan çox ticarət kəsirimiz var. Tariflər üçün konkret tarix demək çətindir, amma bu, çox yaxında baş verəcək," – o bildirib.  

Avropa Komissiyası isə ABŞ-nin tarif tədbirlərinə "sərt cavab veriləcəyini" bəyan edib: "Ümumi tarif tədbirləri biznes xərclərini artırır, işçilərə və istehlakçılara zərər vurur. Tariflər lazımsız iqtisadi pozuntulara və inflyasiyaya səbəb olur," – Avropa Komissiyasının sözçüsü bildirib.  

"Hazırda Aİ mallarına əlavə tariflərin tətbiq edildiyi barədə hər hansı məlumat yoxdur. ABŞ ilə ticarət və investisiya əlaqələrimiz dünyada ən böyüyüdür. Burada çox şey təhlükə altındadır və biz bu əlaqəni gücləndirməyə çalışmalıyıq," – komissiya rəsmisi əlavə edib.  

Böyük Britaniya tariflərdən yayınacaqmı?  

Vaşinqtonun Böyük Britaniyaya qarşı daha yumşaq mövqeyi iki ölkə arasındakı daha balanslı ticarət əlaqələri ilə izah edilir.  

ABŞ hökumətinin məlumatına görə, 2022-ci ildə ABŞ Böyük Britaniya ilə ticarətdə profisit əldə edib, lakin 2023-cü ildə vəziyyət Birləşmiş Krallığın xeyrinə dəyişib. Birləşmiş Krallığın Milli Statistika İdarəsinin məlumatına əsasən, 2024-cü ilin II rübündə bitən dörd rüblük dövr ərzində Böyük Britaniya ABŞ ilə 4,5 milyard funt sterlinq (5,5 milyard dollar) həcmində ticarət profisiti əldə edib.  

İqtisadçılar bildirirlər ki, ABŞ ilə daha balanslı ticarət əlaqələri və iki ölkə arasındakı "xüsusi münasibətlər" Böyük Britaniyanın mümkün ticarət müharibəsindən nisbətən zərərsiz çıxmasına imkan verə bilər.  

Britaniyanın Leyborist hökuməti Trampın tarif siyasətindən yayınmağa çalışır. Maliyyə naziri Reyçel Rivz ötən ay Davosda "CNBC"yə bildirib ki, Böyük Britaniya Trampın hədəf aldığı "davamlı ticarət kəsiri probleminin bir hissəsi deyil".  

Bazar ertəsi günü Britaniya hökumətinin sözçüsü "Reuters"ə açıqlamasında deyib: "Bizim ədalətli və balanslı ticarət münasibətimiz var ki, bu da Atlantikanın hər iki tərəfi üçün faydalıdır."  

Trampın tarif təhdidi bazar ertəsi Kir Starmerin Brüsseldə "Aİ" liderləri ilə müdafiə strategiyası mövzusunda aparacağı müzakirələrin əsas mövzularından biri olacaq. Birləşmiş Krallıq və "Aİ" iqtisadi və siyasi əlaqələrini dərinləşdirməyə çalışdığı bir vaxtda mümkün ticarət müharibəsi əsas müzakirə mövzusu ola bilər.  

Tarif təhdidi "Aİ" üçün çətin dövrə təsadüf edir. Son məlumatlara görə, avrozonanın iqtisadiyyatı IV rübdə sabit qalıb, "Aİ" isə cüzi – 0,1% böyümə nümayiş etdirib.  

"Deutsche Bank" strateqləri bildirirlər ki, əgər Tramp "Aİ"yə 10% tarif tətbiq etsə, bu, bölgə iqtisadiyyatına ciddi zərbə vuracaq və "ÜDM"i 0,5-0,9% azalda bilər.  

Rəhim

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.

Son xəbərlər

Kliniki Tibbi Mərkəzi göz əməliyyatları üçün 100 minlik avadanlıq alır

"Gucci"nin çətin günləri - De Sarnonun istefası

4 trilyon dollarlıq aktiv idarəçisi "BlackRock"dan böyük "Bitcoin" addımı

4 trilyon dollarlıq aktiv idarəçisi "BlackRock"dan böyük "Bitcoin" addımı

Niderland rəsmiləri üçün "DeepSeek" qadağan edildi, Cənubi Koreya isə...

Gənclər və İdman Nazirliyi Qobustanda İdman zalı tikintisinə davam edəcək

"Ceyhan F" MMC-nin məhkəməsi bu tarixdə olacaq

DGK məşhur şirkəti inzibati məsuliyyətə cəlb etdi

"Bitcoin" 400 min dollar? - "Standard Chartered" 3 illik proqnozunu açıqladı

"İnnovasiya və Təchizat Mərkəzi" İmtiyazlı xəstələr üçün 17 milyon manatlıq dərman alacaq

"İsmayıloğulları" MMC inzibati xəta törədib

"Siemens"in artan I rüb gəlirləri - Hesabat

Mark Zukerberqin sərvəti son 1 ayda 40 milyard dollar artdı

ING Azərbaycanda inflyasiya proqnozunu yeniləyib

ING Azərbaycanda inflyasiya proqnozunu yeniləyib

“Sumqayıt Taxıl Em” məhkəmə qarşısında

“Turan Trade Company” böyük məbləğdə cərimələnə bilər

Azərbaycanda orta aylıq əmək haqqı 1000 manatı keçdi - RƏSMİ

Universitetlərin Bakının mərkəzindən köçürülməsi ilə bağlı Nazirdən açıqlama

Azərbaycan “Rus Evi”nin fəaliyyətinə xitam verilməsi barədə Rusiyaya nota göndərib

Nazir: “Daşkəsəndə bir şagirdə təhsil müddətində 90 min xərclənir”

Nazirlik: Yaxın aylarda müavinət və təqaüdlərin də artırılması nəzərdə tutulur

"Məktəblər də dəyişkən iş qrafikinə keçiriləcək"

"Məktəblər də dəyişkən iş qrafikinə keçiriləcək"

"Azerspace-1" üçün 1,3 milyonluq sığorta müqaviləsi

Sahibkarların manatla aldıqları kreditlərə təminat verilməsi qaydası dəyişib

"Volvo"nun IV rüb gəlirləri, 2025-ci il üçün proqnozları - Hesabat

Azərbaycan qazı ilə isinən Avropa ölkələri - SİYAHI

Emin Əmrullayev: Qanunvericilikdə müvafiq dəyişiklik olsa, doktorantura təhsili birpilləli sistemə keçirilə bilər

Azərbaycanda repetitorluq mərhələli şəkildə ləğv ediləcək

Azərbaycanda kreditlərlə bağlı yeni fərman imzalandı

Prezidentdən minimum pensiya ilə bağlı SƏRƏNCAM

Bütün xəbərlər

Xəbərin mətnində orfoqrafik səhv var

Qeydinizi daxil edin