Hamımız bəzən maraqlı suallar üzərində düşünərək yuxusuz gecələr keçiririk. Bu suallardan biri də "iPhone"un adında yer alan "i" hərfinin mənası ola bilər. Əgər siz də bunu düşünənlərdənsinizsə, cavabı burada tapa bilərsiniz.

Valyuta.az xəbər verir ki, 2007-ci ildə ilk "iPhone" təqdim olunanda onun loqosu geniş müzakirələrə səbəb olmuşdu. Bir çoxları almanın "Adəm və Həvva" əfsanəsinə və ya Nyutonun başına düşən alma ilə əlaqəli olduğunu düşünmüşdü. Amma dizayner Rob Yanoff bu fərziyyələrin yalnız əfsanədən ibarət olduğunu demişdi. Loqo qədər "iPhone" adındakı "i" hərfi də maraq doğurmuşdu.

O dövrdə sosial mediada "i" hərfinin mənası ilə bağlı çoxlu fərziyyələr irəli sürülmüşdü. Əsasən "ağıllı" (intelligence) və ya "əziz" (indispensable) kimi mənalar təklif edilirdi. Bəziləri isə "bu, sadəcə mənim telefonum deməkdir" iddiasını irəli sürürdü (ingiliscə "i" - "mən" deməkdir).

"Apple"ın həmtəsisçisi Stiv Cobs isə əslində bu məsələyə hələ 1998-ci ildə aydınlıq gətirmişdi. Onun sözlərinə görə, "iPhone"dakı "i" hərfi beş mənanı ifadə edir: internet, fərdilik (individual), təlimat (instruct), məlumat (inform) və ilham (inspire). Yəni "i" hərfi göründüyündən daha dərin mənalara malikdir.

Cobs əlavə etmişdi ki, "i" hərfinin rəsmi bir mənası yoxdur və bu, "mən" kimi də qəbul edilə bilər. Həmçinin "Apple" işçilərinə verilən "təlimat" mənasında da istifadə edilə bilər.

Paşa Məmmədli