Hər ay Azərbaycana xaricdən 120 min smartfon gətirilir - Hansı ölkələrdən və neçəyə alınır?
Bu ilin yanvar-oktyabr aylarında Azərbaycana xarici ölkələrdən 1 milyon 166 min 285 ədəd smartfon gətirilib.
Valyuta.az rəsmi məlumatlara istinadən xəbər verir ki, bu miqdarda smartfon alışına çəkilən xərcin məbləği 326 milyon 243 min 570 ABŞ dolları (554 milyon 614 min 69 manat) olub. İdxal olunan bir ədəd smartfonun orta qiyməti 279,7 dollara (475 manat 50 qəpiyə) bərabər olub.
Açıqlanan məlumatlara əsasən apardığımız hesablamalardan məlum olur ki, bu ilin ilk 10 ayında orta hesabla hər ay Azərbaycana xarici ölkələrdən 116 min 628 ədəd smartfon gətirilir.
Bu dövrdə ən bahalı smartfonlar Almaniyadan (bir ədəd üçün orta qiymət 3 min 129 manat 90 qəpik), ən ucuz smartfonlar isə Hindistandan (404 manat 10 qəpik) alınıb.
Azərbaycana smartfon gətirilən ölkələr və alınan smartfonların qiyməti ilə aşağıdakı cədvəldən tanış ola bilərsiniz:
| Smartfonlar | Miqdar (ədəd) | Məbləğ (min ABŞ dolları) | Bir ədəd üçün orta qiymət (manatla) |
| Ukrayna | 108 | 121,67 | 1 915,1 |
| Amerika Birləşmiş Ştatları | 3210 | 3633,86 | 1 924,4 |
| Birləşmiş Ərəb Əmirlikləri | 416 | 209,64 | 856,7 |
| Çin | 917995 | 243315,87 | 450,5 |
| Hindistan | 65146 | 15983,61 | 417 |
| İndoneziya | 195 | 46,36 | 404,1 |
| Kanada | 2 | 2,27 | 1 929,5 |
| Koreya Respublikası | 116 | 118,93 | 1 742,9 |
| Malayziya | 17 | 25,94 | 2 594 |
| Sinqapur | 59 | 65,85 | 1 897,3 |
| Tailand | 20 | 13,7 | 1 164,5 |
| Vyetnam | 178595 | 62286,12 | 592,8 |
| Yamayka | 43 | 43,86 | 1 734 |
| Yaponiya | 321 | 339,16 | 1 796,1 |
| Almaniya | 11 | 20,22 | 3 124,9 |
| Avstriya | 5 | 4,4 | 1 496 |
| Fransa | 26 | 12,12 | 792,4 |
| Valyuta.az |
Əvəz Həsənov
Mətndə səhv varsa, onu qeyd edib ctrl + enter düyməsini basaraq bizə göndərin.
Oxşar xəbərlər
Son xəbərlər
Ən çox oxunanlar
- Bu gün
- Bu həftə
- Bu ay
