Öz işini qurmaq istəyən, amma hansı sahədə fəaliyyət göstərəcəyinə qərar verə bilməyənlər üçün investisiya qoyulacaq və yüksək gəlirli işlər çoxdur. Lakin uğurlu ideya tapmaq, büdcənə uyğun iş qurmaq asan məsələ deyil.

Bəs arzu və ideyalarımızı necə həyata keçirə bilərik?

Valyuta.az bəzi gəlirli iş sahələrini təqdim edir:

Evdə baxım xidmətləri

Yaşlı əhalinin artması və xəstəxana xidmətlərinin baha olması səbəbindən, evdə baxım xidmətlərinə tələb artır. Bu sahə illər ərzində daha da güclənəcək. Bu sahənin alt sahələri isə qocalar evləri və fiziki terapiya mərkəzləridir. Tibblə bağlı olmayan evdə baxım xidmətlərinin 2027-ci ilə qədər 50 faizdən çox artması gözlənilir.

Mobil tətbiq dizaynı

Smartfonlar artıq həyatımızda mövcuddur. Lakin iPad-nin ortaya çıxması və Android telefonların satışlarının artması ilə, veb əsaslı mobil tətbiq bazarı inanılmaz sürətlə böyüməyə başlayıb. Mobil tətbiq bazarı gəlirli iş sahəsi ola bilər.

Çay və sağlıqlı içkilər

Çay və sağlıqlı içki sektorları da qazanc gətirən sahələrdəndir. Çay dünyanın ən çox istehlak edilən içki növlərindən biridir. İnsanlar sağlam yaşam tərzinə daha çox diqqət ayırmağa başladıqca, daha təbii içəcək və çaylara olan tələbat da artıb.

Əyləncə, oyunlar və hobbilər

Bugünlərdə hobbi məhsulları, musiqi alətləri və əl işləri məhsullarının satışı sürətlə artır. Oyun və əyləncə bazarı illik orta hesabla 9 faiz artım göstərir. İnsanlar bacarıqlarını inkişaf etdirmək və öz hobbilərini yaratmaq istəyirlər. Oyun və əyləncə sahəsində öz işini qurmaq istəyənlər üçün bir çox gəlirli imkanlar mövcuddur.

Repetitorluq və özəl dərslər

Ailələr həmişə uşaqlarının yaxşı nəticələr əldə etməsini istəyir və bunun üçün maliyyə xərcləməkdən çəkinmirlər. Lakin unutmayın ki, bu sahə olduqca rəqabətlidir. Düzgün istiqamət seçilərsə, bu sahə çox gəlirli ola bilər. Xüsusi dərslər, dil və musiqi dərsləri illik ortalama 7 faiz böyümə göstərir.

Şirniyyat mağazaları  

Şirniyyat mağazaları, çörəkçilərin satışları artır. Kiçik qruplara, yerli təchizatçılara, mövsümi materiallara və yaradıcılığa sərmayə qoyaraq dadlı məhsullar hazırlaya bilərsiniz. Eyni zamanda, diabet xəstələrinə xas şirniyyatlar hazırlayan mağaza da açmaq mümkündür.

Onlayn olaraq əl işləri satmaq

Bu sektor fiziki olmayan satıcılardan ibarətdir. Yalnız onlayn satış həyata keçirirlər və xüsusilə əl işi zərgərlik və vintaj geyimlər sahəsində irəliləyişlər mövcuddur. Az sərmayə ilə qazanc əldə etmək istəyənlər üçün ideal seçim ola bilər.

Təmiz su satışı

Təmiz və davamlı su ehtiyatları müasir həyat üçün çox vacibdir. Bu səbəbdən bu sahə, iqtisadiyyatda baş verən dalğalanmalardan az təsirlənir. Burda müstəqil şirkətlər üçün gözəl və gəlirli imkanlar mövcuddur. İnsanlar keyfiyyətli suya çatmaq üçün müxtəlif həll yolları axtarır, bu sahədə siz də həll təklif edə bilərsiniz.

Davud