"Xiaomi" və onun sub-brendlərinin çeşidində çoxlu smartfonlar var və hər ay yeniləri çıxır: bir gün əvvəl "Redmi K80" və 100 dollarlıq "Redmi A3" flaqmanları təqdim olunub. Bu səbəbdən şirkət vaxtaşırı köhnəlmiş qurğular üçün yeniləmə dövrünü dayandırmağa məcbur olur.

Valyuta.az xəbər verir ki, "GizChina" portalı 2024-cü ilin sonunda "ömrünün sonu" (EOL) statusuna daxil olan "Xiaomi" cihazlarının siyahısını tərtib edib. 

Bu o deməkdir ki, bu cihazlar artıq heç bir yeniləmə almır - nə MIUI, nə "HyperOS", nə də təhlükəsizlik proqramları. Buna görə də, bu gün onların alınmasından imtina etmək daha yaxşıdır.

Hansı cihazlar artıq dəstəklənmir?

Xiaomi
Mi 1 – Mi 6X (Mi 5 və Mi 6 daxil olmaqla) kimi erkən modellər.
Mi 8 SE və Mi 8 Pro daxil olmaqla Mi 8 seriyası.
Mi 9 Lite və Mi 9T Pro daxil olmaqla, Mi 9 seriyası.
MIX 4 və MIX Fold daxil olmaqla Mi MIX seriyası.
Mi Pad 1 – Mi Pad 4 və Xiaomi Pad 5 Pro kimi planşetlər.

Redmi
Redmi 1, Redmi 2 və Redmi 3 seriyası da daxil olmaqla erkən Redmi modelləri.
Redmi Note 1 – Redmi Note 10 seriyası.
Redmi Go, Redmi Y2 və Redmi S2 kimi büdcə modelləri.

Poco
Poco F1 və Poco Phone F1 kimi erkən modellər.
Poco X2, Poco X3 NFC və Poco F3 GT/ kimi ən son modellər.

"Xiaomi" adətən proqram təminatı yeniləmələrini 3-4 il təmin edir. Bu baxımdan, Çin istehsalçısı bu yaxınlarda flaqman telefonlar üçün 7 ilə, orta səviyyəli modellər üçün isə 6 ilədək yeniləmələr təklif edən rəqibləri olan "Samsung" və "Google"dan xeyli geri qalır.

Paşa Məmmədli