Kriptovalyuta bazarında "Bitcoin"in 100 min dollarlıq tarixi səviyyənii keçdiyi bir dövrdə, fondlar tərəfindən də diqqətəlayiq performans müşahidə olunur.

Valyuta.Az xəbər verir ki, Donald Trampın (Donald Trump) prezident seçilməsindən bu yana ABŞ-da birbaşa "Bitcoin"ə sərmayə qoyan birja investisiya fondlarına təxminən 10 milyard dollar həcmində vəsait daxil olub.

"Bloomberg" tərəfindən tərtib olunan məlumatlara görə, "BlackRock Inc." və "Fidelity Investments" kimi şirkətlərin fondları ABŞ-da seçkilərin keçirildiyi 5 noyabrdan sonra 9,9 milyard dollarlıq xalis giriş əldə edib. Bununla da ümumi fond aktivləri 113 milyard dollara çatıb.

Tramp, Bayden administrasiyasının rəqəmsal aktivlərə qarşı şübhə ilə yanaşan qaydalarını dəstəkləyici tənzimləmələrlə əvəz etməyi və strateji bir federal "Bitcoin" ehtiyatının yaradılması ideyasını dəstəkləməyi vəd edir.

"FalconX"in araşdırma rəhbəri Devid Lavan (David Lavan) bir qeyddə bildirib ki, "Bitcoin"in 100 min dolların üzərində "davamlı və sabit" bir mövqe tutması üçün daha çox müsbət katalizator tələb oluna bilər.

Rəhim