Xəbər verdiyimiz kimi, ABŞ prezidenti Donald Tramp kosmosa səyahət edən milyarder Cared Ayzekmanı NASA-nın rəhbəri təyin edəcəyini bildirib.

Uşaqlıqdan kosmosa maraq göstərdiyini deyən Ayzekman 16 yaşında orta məktəbi yarımçıq qoyub və “Shift4 Payments” şirkətini qurub.

Daha sonra təhsilə başlayan və orta təhsilini başa vuran Ayzekmanı Embri-Riddl Aeronavtika Universitetini bitirib. Ayzekmanın 1999-cu ildə ailəsi ilə birlikdə yaşadığı evin zirzəmisində qurduğu “Shift4” şirkəti Amerikadakı restoran və otellərin üçdə birinin ödənişlərini idarə edirdi.

O, digər şirkətlərə maliyyə həlləri təqdim edən “Shift4 Payments” internet şirkətinin baş meneceridir. Amma hər şey 1999-cu ildə, 16 yaşında valideynlərinin evində ikən başladı. Hazırda şirkətin 1 200-dən çox işçisi var.

Ayzekmanın şəxsi aktivlərinin dəyəri ictimaiyyətə tam açıqlanmayıb. Lakin bu, əhəmiyyətli bir məbləğdir. Milyarder 6,5 milyard dollar dəyərində birjada satılan “Shift4”ün 38 faizinə sahibdir. “Forbes” milyarderin sərvətinin təxminən 2,4 milyard dollar (təxminən 4,08 manat) olduğunu təxmin edir.

“Shift4 Payments” şirkətindən sonra o, hava qüvvələrinin pilotlarına təlim verən “Draken İnternational” şirkətini quraraq böyük sərvət qazandı. O, “Forbes” jurnalının dünya milyarderləri siyahısında 1 362-ci yerdədir. Cared Ayzekman həm də “Polaris” özəl kosmik proqramının təsisçisidir.

İsaakman evlidir və iki qız atasıdır.

Qeyd edək ki, 2024-cü il sentyabrın 10-dan 15-dək kosmosa mülki heyətlə ilk fərdi insan uçuşunu həyata keçirən “SpaceX Inspiration 4” heyətinin komandiri və sponsor olub. Eyni zamanda o, ilk dəfə mülki şəxs olaraq kosmik gəmidən kənara çıxıb. Bu, 700 kilometr yüksəklikdə Yer orbitində “Polaris Down” missiyası zamanı baş verib.

Əvəz Həsənov