"Mars" batonunun üzərindəki dalğanın olmaması səbəbilə internetdə məşhurlaşan bir şəxs, şirkət tərəfindən 2 funt sterlinq təzminat aldı.  

Valyuta.Az "The Guardian"a istinadən xəbər verir ki, Herri Siqer (Harry Seager) adlı bir şəxs hamar "Mars" batonunun şəklini "Dull Men’s Club" Facebook səhifəsində paylaşıb və qısa müddətdə qrupun minlərlə üzvünün diqqətini çəkib.  

Siqer bildirib ki, o, yarımçıq istehsal olunmuş baton üçün təzminat almaqla maraqlanmayıb, sadəcə "dalğanın üst hissədə olmamasına səbəb olan sənaye prosesini" öyrənmək istəyib.  

Siqer, dostları ilə birlikdə Birminghamda keçirilən klassik avtomobil sərgisinə yola düşərkən, Oxfordshire xidmət məntəqəsindən aldığı "Mars" batonunun qəribə hamar səthini müşahidə edib.  

“Əslində, bunu unutmuşdum, sonra növbəti gün yadıma düşdü,” deyə o bildirib. “Və düşündüm ki, bilirsiniz, bir mesaj göndərim və soruşum. Ola bilər ki, nə isə nəzərdən qaçıb və diqqət edilməyib.”  

“Onlar bu barədə çox qəribə davrandılar, dərhal təzminata keçdilər, bəli, mənə istehsal qüsurunun nə olduğunu demək əvəzinə.”  

Şirkət bu ayın əvvəlində bildirib ki, baton istehsal xəttindən “sürüşüb” keçib və istehlakçıları sözüdən dalğanın şokoladlarının üzərində daim qalacağına əmin edib.  

Qeyd edək ki, "Mars" batonları ilk dəfə 1932-ci ildə Berkshiredə əl ilə hazırlanmağa başlayıb və bu gün də həmin şəhərdə istehsal olunur. Onlar Birləşmiş Krallığın ən məşhur şokolad batonlarıdı.

Siqer əlavə edib ki, “Bu, biraz da sınmış peçenye almaq kimidir, elə deyilmi? Onlar sınmış şokolad batonlarını da satmalıdırlar. Yaxşı bir ideyadır.”  

Rəhim