Dünya bazarlarında neft ucuzlaşıb.

Valyuta.Az "APA"ya istinadən xəbər verir ki, ICE London qitələrarası birjasında keçirilən ticarət əməliyyatlarının gedişində “Brent” neftinin ixracına dair 2025-ci ilin fevral müqaviləsinin dəyəri 1,29% azalaraq 1 barelə görə 71,84 ABŞ dolları təşkil edib. Nyu-Yorkun NYMEX əmtəə birjasında isə bu ilin yanvar ayında ixrac etməklə WTI (“West Texas Intermediate”) markalı neftin 1 barelinin qiyməti də 1,05% azalaraq 1 barelə görə 68 ABŞ dolları olub.

NYMEX əmtəə birjasında təbii qaza olan fyuçers kotirovkalarının qiymətində isə artım qeydə alınıb.

Belə ki, yanvarda çatdırmaq şərtilə təbii qaza olan fyuçerslərin qiyməti 1 mln. BTU-ya görə (British thermal unit – Britaniya istilik vahidi) 4,96% artaraq 3,36 ABŞ dolları təşkil edib.