"Bitcoin" (BTC) növbəti mühüm mərhələyə çataraq "gümüş"ün 1,732 trilyon dollarlıq dəyərini ötüb və dünya üzrə səkkizinci ən böyük aktivə çevrilib. 

Valyuta.az "Trİnvesting"ə istinadən xəbər verir ki, onun bazar dəyəri hazırda 1,75 trilyon dollar təşkil edir. Bu dəyişiklik, "Bitcoin"in dəyər saxlama vasitəsi olaraq qəbul edilməsinin göstəricisidir. Artıq bir çox insan "Bitcoin"i "gümüş" kimi ənənəvi aktivlərə ciddi alternativ hesab edir. "Bitcoin"in qiyməti hazırda tarixi maksimum səviyyəsinə yaxınlaşıb və bu da onun "qızıl"ın 17,641 trilyon dollarlıq bazar dəyərinə rəqib ola biləcəyi ilə bağlı sualları artırır.

Böyük maliyyə qurumlarının və pərakəndə investorların artan marağı sayəsində "Bitcoin"in populyarlığı artır. Getdikcə daha çox insan, xüsusilə inflyasiya ilə bağlı narahatlıqlar fonunda, "Bitcoin"i sərvəti qorumağın etibarlı üsulu kimi görür. "Bitcoin"in qiyməti yüksəlməyə davam etdikcə belə bir sual ortaya çıxır: BTC yaxın vaxtlarda 17,641 trilyon dollar dəyərində bazar kapitalizasiyasına malik olan "qızıl"a rəqib ola bilərmi? 

"Bitcoin"in cari qiymət göstəriciləri

"Bitcoin"in qiyməti hazırda tarixi maksimum səviyyəsinə yaxınlaşaraq 80.848,54 ilə 89.560,95 dollar arasında dəyişir. 10 günlük hərəkəti ortalama 76.832 dollardır ki, bu da qiymətin sabit artdığını göstərir. 50 günlük hərəkəti ortalama isə 67.865 dollardır və bu da bazarın artımı dəstəklədiyini göstərir. Bu vəziyyət həm institusional, həm də pərakəndə investorların "Bitcoin"ə güclü marağını nümayiş etdirir. Kripto dünyasında dəstək və müqavimət səviyyələrinin izlənilməsi vacibdir. Əsas dəstək səviyyəsi 61.532 dollardır və bu qiymət, tələb artarsa, qiymət düşüşünün qarşısını ala bilər. Digər tərəfdən, əsas müqavimət səviyyələri 76.265 dollar və 82.299 dollardır. "Bitcoin" bu səviyyələri keçərsə, 100 min dollar kimi yeni tarixi zirvələrə çata bilər. Əks təqdirdə, bəzi qısamüddətli enişlər baş verə bilər.

Nisbətən "Güc İndeksi" ("RSI") və "Hərəkətli Ortalama Yaxınlaşması" ("MACD") kimi texniki göstəricilər "Bitcoin"in qiymət dinamikası haqqında daha ətraflı məlumat verə bilər. "RSI" 83 səviyyəsindədir və bu, "Bitcoin"in artıq həddən artıq alınmış zonada olduğunu göstərir. Bu isə yaxın gələcəkdə kiçik bir qiymət geriləməsi ehtimalını artırır. Lakin "RSI" göstəricisi həddən artıq alış vəziyyətində olsa da, qiymət artımının sonuna çatdığı mənasına gəlmir; bu, "Bitcoin"in yüksəlməyə davam etmədən əvvəl sadəcə qısa bir dayanmaya işarə edə bilər. 4.673 səviyyəsindəki "MACD" göstəricisi isə hələ də bazarın güclü bir yüksəlişdə olduğunu göstərir. Bu, kiçik enişlər baş versə belə, "Bitcoin"in qiymətinin yüksəlişini davam etdirəcəyini bildirir.

Gələcəyə baxış: "Bitcoin" "Qızıl"ı hədəf ala bilərmi?

"Bitcoin"in "gümüş"ü geridə qoyması yeni imkanlar yaradır. Daha çox böyük müəssisə "Bitcoin"i mənimsədikcə və insanlar onun dəyərini anladıqca, "Bitcoin"in "qızıl"ı təqib etməsi mümkünsüz görünmür. "Qızıl"ın 17,641 trilyon dollarlıq bazar dəyəri böyük bir maneədir lakin "Bitcoin"in yüksəlişi bu fərqi gələcək illərdə azalda biləcəyini göstərir. Əgər "Bitcoin" "qızıl"ın bazar dəyərinə çatsa, "BTC"nin qiyməti əhəmiyyətli dərəcədə yüksələcəkdir. 17,641 trilyon dollarlıq bir bazar dəyərində, 21 milyon "BTC"nin hamısı hasil edildiyi halda, hər bir "BTC" üçün təxminən 840.000 dollar qiymət mümkün ola bilər. Bu hədəf olduqca yüksək görünsə də, "Bitcoin"ə artan dəstək və onun etibarlı bir dəyər saxlama vasitəsi kimi qəbul edilməsi bunu mümkün edə bilər. İnsanlar sərvətlərini inflyasiyadan qorumaq üçün daha çox səy göstərdikcə, "Bitcoin" ideal seçimə çevrilə bilər. Bu baş verərsə "Bitcoin" dəyər saxlama vasitəsi kimi uzun müddətdir "qızıl"ın malik olduğu mövqeyə ciddi rəqib ola bilər.

Rəhim