"Dogecoin" artıq dörd gündür ardıcıl olaraq böyük yüksəlişlə irəliləyir və son 24 saatda dəyərində 48%-lik bir artım yaşayaraq 0,41 dolların üzərinə çıxıb.

Bu artım, memecoinin 1 dollar səviyyəsinə çatması üçün uzun zamandır davam edən istəkləri yenidən alovlandırıb. Son məlumatlara əsasən, "Dogecoin" son 30 gün ərzində dəyərini üç dəfə artırarkən, son artım investorlar üçün ötən həftə ərzində 150%-lik gəlir gətirib.

Bu rallinin böyük hissəsi, ABŞ-ın keçmiş prezidenti "Tramp"ın rəhbərliyi dövründə memecoin ilə yaxın əlaqələr quran texnologiya sahibkarı Elon Musk tərəfindən yüksəliş duyğularının canlandırılması ilə izah olunur.

Muskın "Dövlət Effektivliyi Departamenti" (D.O.G.E.) qurmaqla bağlı son açıqlamaları treyderləri həyəcanlandırıb və bu dövlət fokusunun dolayı yolla "Dogecoin"ə dəstək verə biləcəyi, rəqəmsal aktivə geniş maraq yaradacağı ilə bağlı nikbinlik yaradıb.

Fyuçers bazarı da aktiv olub və DOGE ilə əlaqəli fyuçerslərdə açıq faiz bütün zamanların ən yüksək səviyyəsinə yaxınlaşdığı bir vaxtda 68 milyon dollar həcmində kümülatif likvidasiya* baş verib.

İnvestorlar və analitiklər "Dogecoin" üçün hədəf olaraq 1 dollar səviyyəsini önə çıxararkən, yeni "Doge 1 dollara" memləri və spekulyasiyalar pərakəndə investorları və treyderləri daha da həyəcanlandırır.

"Dogecoin"in bütün zamanların ən yüksək səviyyəsi 2021-ci ilin may ayında əldə edilən 0,70 dollar səviyyəsinin bir qədər üzərindədir. Mövcud dinamika davam edərsə, analitiklər 1 dollar səviyyəsinin indiyə qədər olmadığı qədər yaxın ola biləcəyini və kriptonun ən məşhur meme tokenlərindən birinə yeni maraq yaradacağını irəli sürürlər.

İZAHAT

*kümülatif likvidasiya - Kümülatif likvidasiya, fyuçers bazarında qiymət dəyişiklikləri nəticəsində treyderlərin açıq mövqelərinin məcburi bağlanması ilə yaranan ümumi itkilərin cəmini ifadə edir.

Rəhim