Sabit kriptovalyuta sektorunun əsas şirkətlərindən biri olan Tether, 2023-cü ilin üçüncü rübündə 2,5 milyard dollar xalis mənfəət əldə etdiyini açıqladı.

Valyuta.Az-ın verdiyi xəbərə görə, ilin əvvəlindən ümumi mənfəətini 7,7 milyard dollara çatdıran Tether, USDT adlı stabil kriptovalyutası ilə bazardakı lider mövqeyini daha da gücləndirdi. 

Şirkətin bazar dəyəri isə 120 milyard dollara çatıb. Tether-in baş icraçı direktoru Paolo Ardoino bildirib ki, əldə olunan mənfəətin böyük hissəsi ABŞ Xəzinə aktivlərinin gəlirlərindən və ehtiyatda saxlanılan qızılın dəyər qazanmasından qaynaqlanır. Xüsusilə üçüncü rübdə qızılın 15% dəyər qazanması, bu mənfəətin əsas səbəblərindən biri olub.

BDO Italy Tərəfindən Təsdiqlənmiş Maliyyə Hesabatına Görə Tether-in Rezerv Aktivi və Öhdəlikləri**

Tether International Limited və Tether Limited-in BDO Italy tərəfindən təsdiqlənmiş maliyyə hesabatına əsasən, 30 sentyabr tarixinə şirkət 119,4 milyard dollarlıq öhdəliklərinə qarşılıq olaraq 125,5 milyard dollarlıq rezerv aktivlərə malikdir. Bu aktivlərin əsas hissəsini 105 milyard dollarlıq nağd və nağd ekvivalentləri, eləcə də 84,5 milyard dollarlıq ABŞ Xəzinə bonoları təşkil edir. Şirkət, birbaşa və dolayı xəzinə bonosu yatırımları ilə 102 milyard dollardan çox risk daşıyır. Rezerv aktivlərində əlavə olaraq 5 milyard dollarlıq qızıl və 4,8 milyard dollarlıq Bitcoin də yer alır.

"Tether Investments" ilə Böyümə

Tether-in investisiya qrupu olan Tether Investments, enerji, mədənçilik və süni intellekt sahələrində yatırımlarını artıraraq keçən rübdə 6,2 milyard dollar olan xalis sərvətini 7,7 milyard dollara yüksəldib. Şirkət həmçinin 500 milyon dollar dəyərində təxminən 7,100 Bitcoin-ə sahib olduğunu açıqlayaraq kriptovalyuta bazarında aktiv oyunçu olduğunu bir daha sübut edir. Tether-in USDT adlı stabil kriptovalyutası isə birjalarda əsas likvidlik mənbəyi olmaqla yanaşı, inkişaf etməkdə olan bazarlarda vacib bir ödəniş vasitəsi kimi fəaliyyətini davam etdirir.

"Tether"-ə Qarşı İddialar və Şirkətin Cavabı

Ötən həftə "Wall Street Journal"da yayımlanan xəbərdə Tether-in çirkli pulların yuyulmasına qarşı qanunlara və sanksiyalara riayət etməməkdə ittiham edildiyi bildirilib. Lakin şirkət bu iddiaları rədd edib. Tether-in baş direktoru Paolo Ardoino verdiyi müsahibədə şirkətin ABŞ sanksiyalarına tam uyğun fəaliyyət göstərdiyini və ABŞ borclarının əsas alıcılarından biri olmağa davam edəcəyini vurğulayıb.

Aydın