2024-cü ilin yanvar-sentyabr ayları ərzində Azərbaycana səfər edən əcnəbi turistlərin çox hissəsi Bakıda qalıblar.

Valyuta.azxəbər verir ki, əcnəbi turistlər ümumilikdə 6,44 milyon dəfə gecələyiblər. Gecələmələrin 3,57 milyon günü (55 faiz) Bakıda olub.

Xarici turistlər Bakı şəhərindən başqa, Quba, Qusar və Qəbələ rayonlarında da çox vaxt keçiriblər. Əcnəbilər Qusarda 352,5 min gecə, Qubada 352,2 min gecə, Qəbələdə 321,5 min gecə qalıblar.

Bu yaşayış məntəqələrindən başqa Gəncədə 121,5 min gecələmə, Xaçmazda 106,7 min gecələmə, Naftalanda 110,6 min gecələmə, Şəkidə 110,5 min gecələmə olub.

Bütün ölkələrdən gələn əcnəbilərin ən çox vaxt keçirdiyi yaşayış məntəqəsi Bakıdır. Ölkələr üzrə ən çox gecələyən isə Rusiya vətəndaşlarıdır. Onlar həm Bakıda, həm də adı çəkilən digər yaşayış məntəqələrində başqa ölkələrin turistləri ilə müqayisədə daha çox istirahət ediblər.

© Sfera.az