Braziliyada “Meta”, “TikTok” və “Kwai” şirkətlərinə qarşı 525 milyon dollarlıq uşaq təhlükəsizliyi iddiası qaldırılıb. 

Valyuta.az-ın məlumatına görə, bu iddialar, sosial media şirkətlərinin uşaqların psixi sağlamlığını qorumaq üçün bağımlılıq barədə xəbərdarlıqlar etməsini və məlumatların qorunması mexanizmlərini gücləndirməsini tələb edir.

Braziliya İstehlakçı Hüquqları Qrupu “TikTok”, “Kwai” və “Meta”nın uşaqların platformaları nəzarətsiz şəkildə istifadə etmələrinin qarşısını almaq üçün mexanizmlər yaratmadığını bildirərək, 3 milyard real (525,27 milyon dollar) təzminat tələb edib. Bu iddialar, şirkətlərin yetkinlik yaşına çatmayan istifadəçilər üzərindəki mənfi təsirləri azaltmaq üçün addımlar atmasını məqsəd qoyur.

Vəkil Lillian Salgado, 18 yaş altı istifadəçilərin məlumatlarının işlənməsi və 13 yaşdan yuxarı gənclərin hesablarının nəzarət altına alınması üçün təcili tədbirlərin görülməsinin vacib olduğunu bildirib.

Şirkətlərdən açıqlamalar

“Meta” gənclərin təhlükəsiz və yaşlarına uyğun təcrübə yaşamasını istədiklərini vurğulayıb. Şirkət, Braziliyaya yaxın zamanda təqdim ediləcək “Gənc Hesabı” funksiyasını elan edib. Bu funksiya, gənc istifadəçilərin görə biləcəyi hesabları və əlaqə qura biləcəkləri insanları avtomatik olaraq məhdudlaşdırmağı vəd edir. “TikTok” bu məsələ ilə bağlı hələ bildiriş almadığını deyib. “Kwai” istifadəçi təhlükəsizliyinin, xüsusilə də uşaq təhlükəsizliyinin prioritetləri arasında olduğunu vurğulayıb.

Əvəz Həsənov