BAKU Azərbaycan
13.03°C
  • USD
    1.7
  • EUR
    1.8346
  • RUB
    2.0118
  • TRY
    0.0448
  • GBP
    2.196
57514

Azərbaycanlı gənclərin layihəsi Türkiyədə təşkil olunan “Teknofest 2024”də qalib olub. "Psixologiyada texnoloji tətbiqlər” kateqoriyası üzrə l yerə layiq görülən layihə “PsychoAİ” adlanır. Layihə 788 min 161 komanda içərisindən birincilik qazanıb. Psixoloji dəstəyə əsaslanan layihənin təsisçilərindən olan Jalə Muradlı Valyuta.az saytına layihələri ilə bağlı danışıb.

VR eynəklər vasitəsilə fərdi psixoloqunuzu dizayn edə bilərsiz

J.Muradlı bildirdi ki, “Versetech” komandası olaraq innovasiyanın gücü ilə qlobal problemləri həll edən layihələr üzərində işləyirlər. “PsychoAI” layihəsi isə müasir dövrdə psixoloji mərkəzlərin və xidmətlərin maliyyə baxımından əlçatan olmaması, insanların psixoloji dəstəyi asanlıqla əldə etmələrini məqsəd qoyur: 

“VR eynək vasitəsilə yaratdığımız bu layihəyə əsasən öz psixoloqunuzu seçə bilərsiz. Virtual eynəklər sizə istədiyiniz mühiti seçərək, istədiyiniz vaxt psixoloqunuzla söhbət etmək imkanı verir.  Əsas məqsəd insanlar üçün vaxt və maddi itki olmadan, müasir texnologiyanın imkanlarından istifadə edərək  psixoloji xidmətlərin əlçatan olmasını həyata keçirməkdir. İnsanlar virtual eynəklərdən istifadə edərək düşüncə və istəklərinə uyğun şəkildə seansın keçiriləcəyi otağa gedib, psixoloqu ilə söhbət edə bilər. Maddiyat və çatımlılıq baxımdan VR eynəklərdən istifadə edə bilməyən şəxslər də olur. Məsələnin bu tərəfini düşünüb virtual eynəklərdən istifadə üçün mobil tətbiq də yaratmışıq. Mobil tətbiqi telefonunuza endirib, qeydiyyatdan keçdikdə istifadə etmək istədiyinizi seçə bilərsiz. Daha sonra sizə zəng gəlir və süni intellektimiz sizinlə danışmağa başlayır. Bu metod, psixologiyada müasir yanaşmaların bir hissəsi olaraq, daha effektiv müalicə və dəstək yolları təqdim edir”.

Jalə Muradlı bildirib ki, layihə üzərində davamlı yenilənmə edirlər:  “PsychoAİ” layihəmiz uzun bir inkişaf prosesindən keçib. 9 aydır ki, reallaşdırma mərhələsindədir. İlk 3 ayda, hədəf kütləmizi müəyyənləşdirmək məqsədilə tibb işçiləri, stresslə mübarizə aparan işçilər, psixologiya tələbələri və müharibədə iştirak etmiş hərbi qulluqçularla müzakirələr apardıq. Bu araşdırmalar sayəsində layihəmizi innovativləşdirərək daha əlçatan edə bilmək üçün yollar axtardıq. İndiyə qədər, bir çox psixoloqlarla əməkdaşlıq edərək araşdırmalar apardıq və “Teknofest2024” üçün müraciət etdik. Layihənin üzərində demək olar ki, hər həftə yenilənmə aparırıq”.

"Mümkünsüz" sözü ilə mübarizə aparmağı öyrəndik

Müsahibimiz komanda üzvləri, onların lahiyədəki rolu haqqında da danışdı: “Komandamız 7 üzv və 2 mentordan ibarətdir. Üzvlərimizin ən böyüyü 18 yaşındadır. Layihə ərzində süni intellekt, oyunlaşdırma, araşdırma, frontend və backend kimi vəzifələri aramızda bölmüşük. Yaş və təcrübəyə görə mütəxəssis olmasaq da, iştirak etdiyimiz yarışlar və hazırladığımız layihələr sayəsində həm öyrənir, həm də başqalarına öyrədirik. Bizi fərqləndirən əsas amillərdən biri də məhz bu öyrənmə prosesi və əməkdaşlıqdır”.

J.Muradlının sözlərinə görə, mentorları Şahin Xəlilov və Günay İmanzadə, onlara "mümkünsüz" sözü ilə mübarizə aparmağı öyrədiblər: “Onlar "Teknofest 2022"nin birinciləri və prezident mükafatçılarıdır. Günay İmanzadə isə bu il "Forbes 30under30" siyahısına daxil olan yeganə azərbaycanlıdır. Onların fərqi, bizə doğru yolu göstərməkdə deyil, o yolu bizimlə birgə addımlamaqdadır”.

Daha spesifik və elmi əsaslı cavablar təqdim edir

J.Muradlı qeyd edib ki, layihənin fərqi süni intellekt hissəsinin işləmə prinsipi, istifadəçilər üçün maliyyə uyğunluğu və əlçatan olmasıdır:

 “Siz "ChatGPT" və "Gemini" kimi proqramların verdiyi ümumi motivasiya mesajlarından fərqli olaraq, daha spesifik və elmi əsaslı cavablar təqdim edirsiniz. 6 ay ərzində topladığınız məlumatlar və psixoloqlardan əldə etdiyiniz datalar sayəsində, yaradılan süni intellekt insanların konkret ehtiyaclarına və emosional vəziyyətlərinə uyğunlaşa bilir. Bu yanaşma, istifadəçilərin daha effektiv dəstək almasına və onların psixoloji vəziyyətlərinə daha uyğun cavablar əldə etməsinə imkan tanıyır.

Bu, layihənizin daha güclü və faydalı olmasına gətirib çıxarır, çünki siz insanları yalnız motivasiya etməklə qalmayıb, həm də onların fərdi problemlərinə dərinləşdirilmiş bir anlayışla yanaşırsınız”.

Proyekt investisiya alsa, gələcəkdə çox uğurlu olacaq

J.Muradlı qeyd edib ki, layihəmizin ən böyük uğuru “Teknofest2024”də 788 min 161 komanda arasından birincilik əldə etməsi oldu: “Bu qalibiyyətimizə görə, Türkiyə Respublikasının Prezidenti cənab Recep Tayyip Erdoğan tərəfindən təltif edildik. Uğurumuzun əsas səbəbi  layihəmizin gücüdür. Hələ ki bu layihəmiz üçün investorlarla görüşümüz baş tutmayıb. Mentorumuz Günay İmanzadə deyir ki, ümumiyyətlə, startap dünyasında bütün proseslər bu cür baş verir, sən 97 % yox, 3 % "hə" cavabı alırsan. İnanırıq ki, hazırladığımız proyekt investisiya alsa, çox uğurlu bir gələcəyi olacaq”.

Maya Hüseynova

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.

Son xəbərlər

"BYD" "Hyundai"ni geridə qoymaq istəyir

Bu şirkətin dövlətə vergi borcu yaranıb

Sığorta haqqları toplandı, amma ödəniş olunmadı - 3,4 milyon manatlıq siyahı

Kərə yağı hansı ölkədən neçəyə gətirilib?

BƏƏ-yə ucuz, Qətərə 4 dəfə baha - Azərbaycanın "armud ticarəti"

“Azəristiliktəchizat” 27 min manatlıq manometr və termometr alır

430 min borcu olan MMC-nin əmlakları hərraca çıxarılacaq

Deputata məxsus olduğu deyilən şirkət Naxçıvandan yarım milyonluq sifariş aldı

“AzerGold” QSC-nin ixrac gəlirləri artdı - Rəqəmlər

Amerikalı nazir dünyanı təhdid etdi: "Bizə cavab verməyin..."

Uşaq yeməkləri xaricdən neçəyə gətirilir? - 1 kiloqramı 6 manatdan...

Qorxmaz Hüseynovun qardaşı oğlu Eldar Əzizovun müavini təyin edildi

Qorxmaz Hüseynovun qardaşı oğlu Eldar Əzizovun müavini təyin edildi

“Azadlıq City"nin vətəndaşları “kupçasız” qalıb - Qurumlar problemi bir-birinin üzərinə atırlar

"İnnovasiya və Təchizat Mərkəzi" 12 milyonluq laboratoriya testləri alacaq

İtaliya Azərbaycana kivini İrandan 11 dəfə baha satır

Azərbaycanda bu yağlar kərə yox, bitki yağıdır - XƏBƏRDARLIQ

AZAL-ın ixrac gəlirləri artdı - Rəqəmlər

Diplomlarının tanınmasında ən çox problem olan universitetlər - SİYAHI

Azərbaycan bazarında "Samsung"un payı azaldı

2600 manat müavinəti necə əldə etmək olar?

Dünyanın ən varlı 10 qadını - SİYAHI

Kapital Bank-ın dəstəyi ilə “Nə? Harada? Nə zaman?” oyunu üzrə respublika çempionatı başa çatdı®

Maliyyə Nazirliyində iki yüksək vəzifəli şəxs işdən azad edildi

Maliyyə Nazirliyində iki yüksək vəzifəli şəxs işdən azad edildi

Azərbaycandan enerji axını zəiflədi - İxrac azaldı

Azərbaycanı Beynəlxalq Startap Yarışmasında bu startap təmsil edəcək

Hərbi kolleclərdə orta ixtisas təhsilini başa vuran kursantlar "miçman" rütbəsi də alacaq

AMB: "Milyonlarla insan ödənişlər zamanı onlayn dələduzluğun qurbanı olur"

"AzSığorta"nın biznesində kəskin kiçilmə - 42 faizlik azalma

"AzSığorta"nın biznesində kəskin kiçilmə - 42 faizlik azalma

Nazirlik bu məktəbi 4 milyona təmir edəcək

Bütün xəbərlər

Xəbərin mətnində orfoqrafik səhv var

Qeydinizi daxil edin