Azərbaycan və İtaliya “yaşıl enerji” tədarükünün genişləndirilməsini müzakirə edib
Azərbaycan və İtaliya arasında “yaşıl enerji”nin tədarükünün genişləndirilməsi müzakirə edilib.
Valyuta.az xəbər verir ki, bu barədə energetika naziri Pərviz Şahbazov “X” hesabında paylaşım edib.
Nazir bildirib ki, Braziliyada İtaliyanın ətraf mühit və enerji təhlükəsizliyi naziri Cilberto Piketto Fratini ilə görüşüb: “Görüşdə enerji tərəfdaşlığımızın qaz təchizatı ilə yanaşı “yaşıl enerji”nin tədarükü üzrə genişləndirilməsinə, enerji şirkətləri arasında yeni əməkdaşlıq əlaqələrinə və Azərbaycanın BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasında (COP29) Enerji Günündə iştiraka dair müzakirələr apardıq”.
Braziliyada İtaliyanın ətraf mühit və enerji təhlükəsizliyi naziri Cilberto Piketto Fratini ilə #enerji tərəfdaşlığımızın #qaztəchizatı ilə yanaşı #yaşılenerji|nin tədarükü üzrə genişləndirilməsinə, enerji şirkətləri arasında yeni əməkdaşlıq əlaqələrinə və #COP29-un… pic.twitter.com/BLN2ptNzsR
— Parviz Shahbazov (@ParvizShahbazov) October 5, 2024
Mətndə səhv varsa, onu qeyd edib ctrl + enter düyməsini basaraq bizə göndərin.
