"Almaniya Rusiya qazı çatışmazlığını uğurla aradan qaldıra bilib". 

Valyuta.az xəbər verir ki, bunu Almaniyanın vitse-kansleri, iqtisadiyyat və energetika naziri Robert Habek deyib. 

"Artıq Rusiya qazına görə qıtlıq yoxdur. Qiymətlər bahadır, amma bu bizdə çatışmazlıq olmasına görə deyil. Əsl səbəb anomal istilər səbəbindən Asiyada LNG-yə tələbatın artmasıdır", deyə Habek bildirib.

Eyni zamanda, nazir əmindir ki, əlavə həcmdə təbii qaz buraxılan və Almaniya bazarına daxil olan kimi Almaniyada qazın qiyməti yenidən demək olar ki, pandemiya səviyyəsinə düşəcək.

Yayda Aİ Rusiyadan LNG-ni aktiv şəkildə alıb. İyulda assosiasiyaya üzv ölkələr Rusiya Federasiyasından yanacaq alışını 13,5% artıraraq 565,7 milyon avroya çatdırıblar ki, bu da qışın sonundan bəri maksimumdur. Rusiya qazının idxalına görə liderlər İspaniya (240,8 milyon avro) və Niderland (57,2 milyon avro) olub.

Paşa Məmmədli