Polşa hakimiyyəti Qdanskdakı terminal ilə Ploçdakı neft-kimya zavodları arasında keçməli olan Pomeraniya neft kəmərinin ikinci xəttinin tikintisini dayandırıb. 

Valyuta.az xəbər verir ki, bu barədə money.pl portalı məlumat yayıb.

Bu qərara səbəb layihəyə qoyulan investisiyaların əsaslılığının yoxlanılması zərurəti olub. Bu işi hökumətin strateji enerji infrastrukturu üzrə nümayəndəsi Maçey Bando həyata keçirəcək.

"İnvestisiyaların gələcəyinin nəzərdən keçirildikdən sonra müəyyən ediləcəyi qərara alındı", deyə Bandonun ofisindən verilən açıqlamada qeyd edilib.

Polşa 2019-cu ildə neft kəmərinin ikinci xəttinin marşrutu barədə qərar verib. Onun tikintisini "Dostluq" neft kəmərinin Polşa operatoru PERN həyata keçirməli idi. İşin dəyəri 1,2 milyard zloti (təxminən 300 milyon dollar) qiymətləndirilib.

2023-cü ildə PERN boru kəmərinin tikintisinə başladığını elan edib. Bununla belə, avqust ayında şirkət prezidenti Daniel Şvetoçovski layihəyə investisiyaların dayandırıldığını deyib

Paşa Məmmədli