Türkiyə prezidenti Rəcəb Tayyib Ərdoğan ölkəsinin 2024-cü ilin sonuna kimi 60 milyon turisti qəbul etməklə 60 milyard dollar turizm gəliri əldə etməyi gözlədiyini bildirib. 

Valyuta.az xəbər verir ki, o bu barədə İstanbulda çıxışı zamanı deyib.

Türkiyə liderinin sözlərinə görə, iyulun sonuna ölkəyə gələn turistlərin sayı 35 milyona çatıb.

Ərdoğan xatırladıb ki, 2023-cü ildə Türkiyəyə 56,7 milyon turist səfər edib, sənaye gəlirləri isə 56 milyard dollar olub.

Avqustun 24-də Türkiyə Səyahət Agentlikləri Birliyinin (TÜRSAB) rəhbəri Firuz Bağlıkaya 2024-cü ilin ilk altı ayında ölkəyə rus turist axınının 2,8% artdığını bildirib.

Bundan əvvəl Türkiyənin Vətən Partiyasının sədr müavini Hakan Topkurulu ABŞ-ın sanksiyalarına baxmayaraq, rus turistlərin Türkiyəyə gəlməkdə davam etdiyini bildirib. O qeyd edib ki, bu il Rusiya Federasiyasından gələn turistlər ölkəyə gələnlərin sayına görə 10-cu yeri tuturlar.

Türkiyə Mədəniyyət və Turizm Nazirliyinin statistikasına görə, 2024-cü ilin ilk altı ayında ölkəyə 21,6 milyon əcnəbi səfər edib ki, bu da 2023-cü ilin eyni dövrü ilə müqayisədə 10% çoxdur. Rusiya Federasiyasından başqa, respublikaya turist gətirən ilk beş ölkəyə Almaniya, Böyük Britaniya, İran və Bolqarıstan daxildir

Nicat