Xarici ölkəyə səfər edəndə, pasport nəzarətindən keçərkən pasport polisi sizə ingilis dilində bir neçə sual verə bilər. Bu suallar adətən səfərinizin məqsədi, harada qalacağınız və nə qədər qalacağınız kimi məlumatları öyrənmək üçündür. Sualları öyrənsəniz və kifayət qədər məşq etsəniz, heç bir problemlə üzləşmədən keçidinizi ala bilərsiniz. 

Valyuta.az pasport nəzarətində polislərin soruşduğu bəzi sualları təqdim edir:

1. Pasport və eniş kartı zəhmət olmasa… 

Bu sualı eşidəndə pasportunuzu və eniş kartınızı təqdim etməyiniz kifayət edəcək. Pasportunuzu uzadarkən, inamla ingilis dilində danışsanız, haqqınızda ilk təəssürat çox yaxşı olacaq. 

2. Səfərinizin məqsədi nədir? 

Bu, ən çox verilən sualdır. Bu suala düzgün cavab verməlisiniz. Siz viza müraciətiniz zamanı verdiyiniz cavabı verməlisiniz. Qısa və ya daha ətraflı cavablar verə bilərsiniz.

3. Nə qədər qalmağı planlaşdırırsınız?

Bu sualın məqsədi vizanın etibarlı olduğu tarix aralığını sizin qalma müddətinizlə müqayisə etməkdir. Əgər qalmağınız vizanızın etibarlılıq müddətini keçərsə, bu, problemlər yarada bilər. Ona görə də xaricə səyahət etməzdən əvvəl mütləq tarixləri yoxlamalısınız.

4. Harada qalacaqsınız?

Bu sualda qalacağınız yerin ünvanını deməli və ya yazılı şəkildə verməlisiniz.

5. Hansı işlə məşğulsunuz? - Peşəniz nədir?

Bu sual, xüsusilə ciddi şəkildə nəzarət edilən viza məntəqələrində tez-tez gündəmə gələ bilər və bu, tez cavablandırılması lazım olan sualdır. Nə qədər inamla cavab versəniz, bu sual bir o qədər çox olmayacaq. Təfərrüatlar tələb olunmazsa, sadəcə peşənizi qeyd etmək kifayətdir.

6. Xəbər vermək istədiyiniz bir şey varmı?

Bu, pasport polisinin verdiyi son sualdır. Bu suallar tez-tez pasport nəzarətində verilsə də, bəzi hallarda onları qaçırmaq olar. Bundan əlavə, xaricə səyahət edərkən çoxlu nağd pulunuz və ya məhdudlaşdırılmış əşyalarınız olmamalıdır. Təyyarəyə minərkən və enərkən bu qaydalara diqqət yetirməlisiniz. Belə hallarda vəziyyəti pasport polisinə bildirməlisiniz.

Əvəz Həsənov