Rusiya Federasiyasının Mərkəzi Bankı avqustun 27-də “Goldman Sachs Bank” MMC-nin broker lisenziyasını ləğv edib. 

Valyuta.az xəbər verir ki, bu barədə tənzimləyicinin saytında məlumat verilir.

Lisenziya kredit təşkilatının özünün tələbi ilə ləğv edilib.

2023-cü ilin sonunda məlum olub ki, "Goldman Sachs Bank" (beynəlxalq "Goldman Sachs Group"un törəmə şirkəti) Rusiyada yalnız bir lisenziyanı saxlayacaq. Kredit təşkilatı Moskva birjasında ticarəti tərk edib. 

2022-ci ildə Rusiya prezidenti Vladimir Putin satışı yalnız dövlət başçısının xüsusi icazəsi ilə mümkün olan bankların siyahısını təsdiqləyib. "Goldman Sachs Bank" oraya daxildir.

"Goldman Sachs Group" ABŞ-da bir bankdır və maliyyə konqlomeratı olan dünyanın ən böyük investisiya banklarından biridir. Maliyyəçilər arasında "Firma" kimi tanınır. 2022-ci ilin noyabrında "Goldman Sachs"ın Moskvadakı top meneceri Timoti Talkinqton 17 illik fəaliyyətdən sonra istefa verdiyini açıqlayıb.

2022-ci ilin martında - müharibə başlayandan dərhal sonra "Goldman Sachs" “tənzimləyici və lisenziya tələblərinə uyğun olaraq” Rusiyadan çıxdığını elan edərək belə bir qərar verən ilk böyük Amerika investisiya bankı olub.

Paşa Məmmədli