Aİ Şurası Aİ Baş Məhkəməsinin məhdudiyyətlərin qismən götürülməsi barədə qərarından sonra iş adamı Mixail Fridmanın üzərindən bütün sanksiyaların götürülməsi tələbini rədd edib. 

Valyuta.az xəbər verir ki, bu barədə “Vedomosti” qəzeti iş adamının nümayəndəsinə istinadən yazır.

İyul ayında Fridman şuradan heç bir izahat verilmədən sanksiyaların qüvvədə qalacağını elan edən iki qısa məktub alıb. Bunu iş adamı Honq Konq Beynəlxalq Arbitraj Mərkəzində (HKIAC) arbitraj üçün müraciətində qeyd edib. Fridmanın mətbuat xidməti sorğunun həqiqiliyini təsdiqləyib, lakin əlavə şərh verməkdən imtina edib.

Avropa Birliyi Fridmanı 2022-ci ilin fevralında "Rusiyanın hərəkətlərini dəstəklədiyinə və Ukraynadakı siyasətini maliyyə cəhətdən asanlaşdırdığına görə sanksiyaya düşüb. Onun Aİ-dəki bütün hesabları dondurulub, özünə də Aİ-yə daxil olmaq və aktivləri qəbul etmək qadağan edilib. 2023-cü ilin martında sanksiyaların müddəti mətn dəyişikliyi ilə uzadılıb. O, "Rusiya Federasiyası hökumətinə əhəmiyyətli gəlir mənbəyi təmin edən iqtisadiyyatın sektorlarında iştirak edən aparıcı iş adamı" adlandırılıb.

Daha sonra Aİ Baş Məhkəməsinin 2024-cü ilin aprel qərarı ilə sanksiyaların ilkin əsasları ləğv edilib, lakin məhkəmə “aparıcı iş adamı” meyarını nəzərə almadığı üçün məhdudlaşdırıcı tədbirlər qüvvədə qalıb. Aİ Şurası qərardan şikayət etməyib və Fridman 2023 və 2024-cü illərdə sanksiyaların uzadılmasına etiraz etməkdə davam edir.

Nicat