Macarıstan hakimiyyəti ruslara vizaların verilməsi prosedurunun sadələşdirilməsi səbəbindən Avropa Komissiyasının Şengen ölkələrinin milli təhlükəsizliyinə təhlükə ilə bağlı sualına vaxtında cavab verməyib. 

Valyuta.az xəbər verir ki, bu barədə "Euractiv" portalı yazır.

Qeyd olunur ki, komissiyanın Rusiya və Belarus vətəndaşları üçün giriş şərtlərinin sadələşdirilməsi ilə bağlı sualları cavablandırmaq üçün Macarıstana ayırdığı müddət bazar ertəsi, avqustun 19-da başa çatıb.

Bundan əvvəl Macarıstanın Xarici İşlər və Xarici İqtisadi Əlaqələr naziri Peter Siyarto bildirib ki, Milli Kart proqramı çərçivəsində ruslar və belaruslar tərəfindən sadələşdirilmiş iş vizaları alınması Şengen ölkələrinin təhlükəsizliyini təhdid etmir.

Onun Şimali Avropa və Baltikyanı həmkarları tərəfindən əksini tapan bütün bəyanatlar tamamilə yalandır. 

Paşa Məmmədli