Donald Tramp imzası olan “İncil”lərin satışından təxminən 300 min dollar qazanıb. 

Valyuta.az xəbər verir ki, bu barədə NBC News maliyyə hesabatlarına istinadən məlumat yayıb.

Respublikaçı Müqəddəs Həftədə martın sonlarında “İncil” satmağa başlayıb. Greenwood “İncil”ini Trampın saytında 59,99 dollara əldə etmək olar. Trampın imzası olduğu iddia edilən məhdud sayda nüsxələri də 1000 dollara almaq mümkündür.

Sənədlərə görə, Tramp dəyəri 1 milyon dollardan çox olan kriptovalyutaya da sahibdir. Trump Media & Technology Group-un dəyəri 50 milyon dollardan çox  qiymətləndirilir.

Bundan əvvəl məlum olub ki, amerikalı multimilyarder Uorren Baffet ABŞ-ın milli borcuna Federal Ehtiyat Sistemindən daha çox inanır. İkinci rübün sonunda onun Berkshire Hathaway fondunun qısamüddətli ABŞ dövlət istiqrazlarına yatırdığı sərmayələr FED-in investisiyalarını təxminən 40 milyard dollar üstələyib.

Nicat